Pas situatës së tensionuar të shënuar që prej orëve të para të mëngjesit në sheshin e Teatrit Kombëtar, presidenti Ilir Meta bën lëvizjen e radhës.
Sot në orën 13.00, kreu i shtetit ka depozituar në Gjykatën Kushtetuese kërkesën për shpalljen antikushtetuese të ligjit për shembjen e godinës së Teatrit Kombëtar.
Ndërkohë, më herët përmes një reagimi në rrjetet sociale, Meta e konsideroi të turpshme dhunën e policisë ndaj artistëve, ndërsa shkruante se vendimi për prishjen e godinës së Teatrit Kombëtar është abuziv e korruptiv.
