Pipero tregon pasojat që lë covid-19: Nuk po sillet si virus respirator, dëmton trurin dhe të bën të flasësh përçart

Mjeku i njohur Pëllumb Pipero sqaron se Covid 19 nuk po sillet vetëm si virus respirator. I ftuar në ‘news 24, mjeku thotë se ka raste që virusi godet fillimisht trurin dhe bën që pacientët e prekur të flasin përçart.

“Covid 19 sjell koagulimin e gjakut , shkakton koagola në të gjithë trupin, kjo mund të sjellë infarkt të trurit, zemrës, probleme të mëlçisë. Ca thonë se dëmtimet që le në veshka janë të pariparueshme. Ajo që mund të them është se Covid 19 nuk po sillet si virus respirator.

I pari dëmtohet truri, shkakton konfuzion mendor, të folurit përçart, jep pagjumësi, pra ndodh dëmtim i qelizës së trurit nga virusi.

Kemi pasur tre raste pacientësh ku e kemi vërejtur një gjë të tillë, jep dëmtime të qelizave trunore. Kemi 6 apo 7 muaj me këtë virus nuk dimë për sa kohë organet ngelen të dëmtuara prej tij, nuk dimë edhe nëse lë apo nuk lë imunitet. Duhet të kalojnë 18 deri në 24 muaj që të kemi të dhëna më të qarta”, shtoi mjeku.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm