Presidenti i Rusisë, Vladimir Putin propozoi një samit me vendet anëtare të Këshillit të Sigurisë, Kina,Rusia, Franca, SHBA-ja dhe Britania e Madhe brenda vitit 2020, gjatë konferencës ndërkombëtare të Holokaustit.
Propozimi erdhi me rastin e 75 vjetorit të përfundimit të Luftës së Dytë Botërore dhe krijimit të OKB-së. Sipas mediave të huaja, synimi është që të diskutohet për problemet botërore me të cilat po përballen njerëzimi, por nuk janë zbuluar çështje specifike.
“Rusia është gati të ulet dhe të dialogojë. Organizimi i një samiti të tillë do të jetë i rëndësishëm dhe simbolik në këtë 75 vjetor të fundit të Luftës së Dytë Botërore” – u shpreh Putin duke shtuar se këtë ide e ka biseduar dhe me disa prej homologëve të tij të cilët janë shprehur pozitiv.
