Flash News

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

Makina përplas dy turistë me motoçikletë në Fushë Arrëz, humb jetën njëri prej tyre

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

KRYESORE

“Qeveria premtime të rreme për taksat”, Tabaku ‘përplaset’ me Ramën: S’mund t’ua hedhë më shqiptarëve!

Politiko 22 Shtator 2020, 18:39

“Qeveria premtime të rreme për taksat”, Tabaku

Ish-deputetja e Partisë Demokratike, Jorida Tabaku, ka hedhur poshtë deklaratat e Kryeministrit, se qeveria “Rama 1 dhe 2” ka taksuar më pak biznesin e vogël përgjatë perjudhës 2014-2019, ku sipërmarrësit kanë paguar 5.3 miliardë lekë taksa nga 19 miliardë lekë për vitet 2006-2013.

Përmes një postimi në rrjetet sociale, Tabaku thekson se dështimi më i madh i qeverisë Rama në këto 7 vite është në fushën e ekonomisë.

Ndërsa rendit të gjitha problematikat që ka hasur ky sektor gjatë qeverisjes së socialistëve, Tabaku thekson se PD e ka gati ofertën e saj konkrete për zhvillimin ekonomik.

Postimi i Jorida Tabakut:

Shqiptarëve nuk mund t’ua hedhë më Rama

Bashkë me dy ministra Finance doli për të folur për fushën në të cilën ka dështuar më shumë: EKONOMINË.

Në këto 7 vite:

– 97% e shqiptarëve kanë paguar 4,2 mld euro taksa të rritura

– Investimet e huaja kanë rënë nivele minimale dhe vetëm 6 muaj e fundit kanë rënë me 100 mln euro

– Çdo ditë janë mbyllur 50 biznese dhe vetëm gjatë pandemisë 30 000 biznese kanë deklaruar statusin inaktiv.

– Shqipëria ka rënie të prodhimit industrial me 11.2%

– Shqiptarët besojnë gjithnjë e më pak se ekonomia do të ecë pozitivisht në vitet në vijim. Besimi në ekonomi ka rënë me 50.2 pikë minimum historic qe kur eshte krijuar treguesi.

– Korrupsioni ka arritur nivelet më të larta me 7,2 mld euro të certifikuara nga KLSH.

– Borxhi po arrin në nivelin 90% së bashku me faturën korruptive të koncesioneve.

– 155 mln euro vendime nga arbitrazhi, dëme te shkaktuara nga papërgjegjshmeria dhe interesat personale dhe qe do i paguajne shqiptaret nga xhepat e tyre.

Dhe çfarë bën sot Rama? Riciklon figurat dhe premtimet e vjetra për ulje taksash!

Ai vërtet i mendon shqiptarët me memorie të shkurtër por gabohet.

Tashmë shqiptarët e kanë të qartë zgjedhjen për ofertën ekonomike dhezgjidhjen për krizën në vend.

Ne nuk bejmë propagandë. Ne flasim me fakte. Ne kemi ofertën tonë konkrete që nxit konsumin, rrit të ardhurat dhe prodhon një shtresë të mesme. Ofertën që mundëson një ekonomi prodhuese dhe në shërbim të qytetarit. Ne ofrojmë mundësinë që taksat e shqiptarëve mos të vidhen nga koncesionet dhe PPP-të. Shqipëria në Punë është vizioni që na drejton dhe frymëzon për të qenë konkurues jo me një forcë politike anti-biznes por të konkurueshëm me rajonin.