Kryeministri Edi Rama, nëpërmjet një paisje shumë të kushtueshme, zhvilloi interpelancë virtuale me qytetarët e Kukësit, ku foli për tarifën e “Rrugës së Kombit”.
Rama theksoi se për 60 ditë do të “ngrijë” tarifën si dhe do të bëhen verifikime për qytetarët të cilët udhëtojnë më shpesh në “Rrugën e Kombit” dhe që do të kenë lehtësira.
Mirëpo, Partia Demokratike ka publikuar një listë të gjatë me emrat e personave të cilët morën pjesë sot në interpelancën me Ramën dhe Gjiknurin. Nga lista konkudon se nuk bëhet fjalë për qytetarë të zakonshëm të Kukësit por për rrogëtarë; punonjës të administratës, nisur nga persona me precedentë të mëparshëm kriminalë te drejtorë të rëndësishëm të Kukësit.
Reagimi i Partisë Demokratike:
Takimi i Edi Ramës nuk ishte me qytetarë të zakonshëm të Kukësit, sepse prej tyre ka frikë dhe nuk shkel në Kukës.
Takimi i Ramës ishte me rrogëtarët e tij në poste kyçe të administratës në Kukës dhe me persona me preçedentë kriminalë.
Protagonisti i propagandës së Edi Ramës është Xhevdet Sopaj, i dënuar në vitin 2012 për armëmbajtje pa leje.
Për shkak të mosdeklarimit të dënimit, KQZ vendosi ndërprerjen e mandatit të tij.
Disa nga pjesëmarrësit e tjerë në takimin e Ramës janë rrogëtarët nga administrata e Ramës, që kanë lënë punën për t’u mbledhur në Prefekturë.
Jaho Hoxha – Drejtor i Postës Kukës
Agron Hoxha – Drejtor i Drejtorisë së Shëndetit Publik
Fadil Morina – Drejtoria e Shëndetit Publik
Shpresa Kërxhaliu – Nëndrejtoreshë e Gjimnazit
Manushaqe Muça – Mësuese
Afrim Hoda – OSHEE
Ledian Halilaj – Zyra Punës
Skender Ahmeti -DAR
Clirim Spahiu – Drejtoria e Transportit Rrugor
Azem Elezi -Drejtor i Arkivit dhe kryetar i PS aktual
Besart Tota -Drejtor i IKMT-së
Financuar Nga Bashkimi Europian
