Kancelarja gjermane Angela Merkel ka komentuar shkurtimisht pas takimit në Tuluz të Francës me presidentin Emanuel Macron.
Sipas Deutsche Welle, Merkel e ka komentuar si shumë të vështirë arritjen e një unanimiteti të Francës me vendet e tjera që janë shprehur pro çeljes së bisedimeve me dy vendet e Ballkanit Perëndimor, pas takimit me Macron.
“Më duhet t’iu them se shanset nuk janë shumë të mira”, tha Merkel, citon DW, ndërsa shprehu sërish qëndrimin pro perspektivës së anëtarësimit për Shqipërinë dhe Maqedoninë e Veriut
Nga ana tjetër, presidenti Macron, kundërshton çeljen e tyre duke përmendur numrin e lartë të azilkërkuesve shqiptarë në Francë.
Discussion about this post