Reshjet e dendura, shembet një pjesë e Murit të Madh kinez

Një pjesë e sapo rinovuar e Murit të Madh të Kinës është shembur pas reshjeve të dendura për javë të tëra të shiut në rajonin verior. Mendohet se shkak janë riparimet e fundit në strukturën shekullore.

Vendi i dëmtuar është ngjitur me vendin historik Pass Yanmen në qarkun Dai, të provincës Shanxi.

Ai është mbyllur që nga 22 korriku dhe autoritetet lokale të turizmit tani po marrin masa emergjente për të riparuar seksionin.

Kritikët kanë sugjeruar se projektet e rinovimit në pjesë të ndryshme të Murit të Madh Kinez e kanë dobësuar themelin e strukturës, duke e bërë më të ndjeshëm ndaj erozionit dhe kolapsit.