Sanchez tremb Interin pikërisht kur po merrte veten!

Alexis Sanchez sot ishte me kombëtaren e Kilit në miqësoren ndaj Kolumbisë (0-0). Ai luajti titullar, por u desh të linte lojën në minutat e fundit pas një dëmtimi.

Deri tani nuk ka një diagnozë specifike, por dyshohet se Sanchez ka pësuar një ndrydhje të kaviljes së këmbës së majtë. Mediat kiliane raportojnë se për pak orë do të mësohet grada e dëmtimit.

Interi është në ankth, sepse ditët e fundit Sanchez po merrte veten dhe po gjente ritmin në Milano, pas huazimit të shumëpritur nga Manchester United.