Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Shqipëria i shënon 4 gola Islandës për të shpresuar për në Euro 2020
Një Shqipëri ndryshe në “Elbasan Arena”. Një nga ato që të bën të besosh. e sigurt, me besim në vetvete, e aftë të menaxhojë emocionet negative. Përballë kishte Islandën, një skuadër që para se sfida të niste kishte pikë të barabarta, po aq sa edhe Turqia e Franca, nga 12 në Grupin H në fazën kualifikuese për në Euro 2020..
Por kuqezinjtë reaguan ashtu siç tifozët më pozitivë prisnin. Ekipi pësoi dy gola, e pavarësisht kësaj shënoi 4 herë. Ajo që të bën përshtypje te kjo skuadër është se nuk u kap nga paniku por besoi te vetja. Gjëja më e veçantë, reagimi kuqezi. Por edhe fakti që kurrë në një takim zyrtar, Shqipëria nuk kishte fituar me 4 gola të shënuar.
Mori 3 pikë me shumë vlerë për të mbajtur gjallë shpresat për kualifikim, ndaj një rivali mjaft të fortë. tani gjithçka varet nga kuqezinjtë, të cilët duken se kanë gjetur veten. U duhet vetëm të përmirësohen.
Trajneri italian zgjodhi sërish modulin 3-5-2, por këtë herë kishte bërë mjaft ndryshime në formacion. Me sa duket, këtë skemë do ta shikojmë gjatë
Goli për kuqezinjtë erdhi në të 33’ nga Kastriot Dermaku i cili realizoi me kokë pas krosimit të Memushajt. golin e tij të parë kuqezi.
Në pjesën e dytë, Sigurdsson barazoi rezultatin. Por Shqipëria shtoi presionin dhe shënoi golin e dytë me anë të Hysajt (52’). Goli i parë edhe për shkodranin me fanellën kuqezi. Por gëzimi zgjati 6 minuta dhe miqtë barazuan me anë të Sigthorsson-it.
Dhe në këtë moment vendimtar, futjet e Roshit dhe Abrazhit dhanë rezultat.
Presioni i islandezeve ra, ndërsa këmbëngulja kuqezi vazhdoi. Roshi gjeti golin pas një shpërthimi nga e majta. Avantazhi solli siguri dhe pas një tjetër këmbënguljeje, Shqipëria shënoi golin e katërt falë Cikalleshit 3 minuta më pas.
Në Grupin H, kryesojnë Turqia dhe Franca me nga 12 pikë. Islanda ka 12 pikë, Shqipëria 9, e pas saj Moldavia 3 dhe Andorra 0.