Sot, 21 vjet nga masakra e Reçakut, gjenocidi që tronditi gjithë opinion ndërkombëtar

Sot, 21 vjet më parë është kryer një ndër masakrat më të dhimbshme, ku u vranë barbarisht 45 shqiptarë të paarmatosur. Ky gjenocid, tronditi gjithë opinion ndërkombëtar, ndërsa ambasadori William Walker, e cilësoi ngjarjen në Reçak si krim kundër njerëzimit.

Policia dhe ushtria serbe në Kosovë kanë kryer masakra të shumta gjatë viteve 1998 dhe 1999, por Masakra e Reçakut u dëshmua nga misioni i OSBE-së në Kosovë, saktësisht nga shefi i misionit të OSBE-së në atë kohë, William Walker, që ndikoi në ndërhyrjen e NATO-s ndaj caqeve serbe.

Për këtë ngjarje, pritet të zhvillohen sot disa aktivitete përkujtimore në Kosovë, por edhe në Shqipëri.