Thuajse tre vite pa të, Celine Dion emocionon me fjalët për bashkëshortin e ndjerë

Në janar të 2016-ës, Celine Dion humbi bashkëshortin e saj, Rene Angelil, i cili vuante prej shumë kohësh nga kanceri në fyt. Dyshja kishin tre fëmijë bashkë Rene Charles dhe binjakët 8-vjeçare Nelson dhe Eddy.

Por pavarësisht se Celine Dion ka thuajse tre vite pa bashkëshortin e saj, gjërat janë njësoj për të. Në një intervistë për "Entertainment Tonight” këngëtarja i ka prekur të gjithë me fjalët dhe rrëfimin për bashkëshortin e ndjerë.

“Më duhet ta them se vazhdoj ta ndjej se kam qenë dhe vazhdoj të jem gruaja më me fat në botë, sepse kam pasur lidhje me burrin më të mirë në botë, babanë e fëmijëve të mi. Çdo ditë unë e shoh atë për shkak të tre fëmijëve tanë… ata i ngjajnë shumë atij dhe bëjnë shumë gjëra njësoj si ai dhe kjo është e mrekullueshme. Rene është me mua gjatë gjithë kohës dhe prandaj unë gjej kurajo. Prandaj unë jam e fortë dhe prandaj jam duke gjetur me kohën akoma më shumë fuqi, sepse si nënë beqare më duhet t’ju mësoj fëmijëve të mi pavarësinë, se është shumë e rëndësishme të jesh i pavarur në jetë.”

Këngëtarja, ndër të tjera tregoi se është beqare dhe se nuk do të gjejë kurrë një tjetër dashuri si Rene.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm