Zyra e Bashkimit Europian në Tiranë ka ftuar të gjithë qytetarët shqiptarë që të dalin sot në orën 20:00 në dritare apo në ballkonet e shtëpive të tyre për të duartrokitur.
Kjo nismë vjen si një mbështetje për ata që janë në vijën e parë të luftës me koronavirusin, si mjekët, infermierët, profesionistët e kujdesit shëndetësor, zjarrfikësit, policët etj.
Në postimin e Zyrës së Europës në Tiranë, u kërkohet shqiptarëve që të bëhen pjesë e kësaj nisme. Kujtojmë se edhe disa herë ka pasur nisma të ngjashme në Tiranë, por për hir të së vërtetës nuk kanë qenë shumë masive.
Shpresojmë që sonte, të jemi më “entuziastë”, sepse përveçse japim mirënjohjen për gjithë ata që janë në vijën e parë të luftës, i japim kënaqësi dhe vetes teksa ndajmë emocionin e përbashkët me komshinjtë nga dritarja në dritare e me gjithë bashkëqytetarët e lajes dhe qytetit.
We are wholeheartedly #clapping our hands tonight for healthcare professionals, researchers, firefighters, policemen and everyone who is out there fighting against #Covid19. Join us by clapping tonight at 20:00 and by sharing 👏 emoji in comments below ⬇️ #EUsolidarity pic.twitter.com/gzEXeO8yE2
— EU in Albania (@EUinAlbania) March 30, 2020
Financuar Nga Bashkimi Europian
