Analisti sqaron gazetën me dokumente: Nuk kam qenë spiun

Analisti Eduard Zaloshnja në një shkrim të botuar në gazetën Rilindja Demokratike me 9 korrik të vitit të kaluar, shkruar nga Arben Shahini, konsiderohej spiun i hershëm i Sigurimit të Shtetit.

Zaloshnja ka paditur RD për shpifje dhe është shprehur se do të depozitojë një padi civile duke kërkuar 100 euro dëmshpërblim.

Madje, analisti ka bërë publike dokumentin nga Autoriteti për Informimin mbi dokumentet e ish-Sigurimit të Shtetit, ku deklarohet se; “mbi bazën e verifikimeve të bëra deri më tani, nuk ekzistojnë të dhëna që të ketë qenë ndonjëherë i survejuar apo të ketë dokumente për të në arkivat e ish-Sigurimit të Shtetit”.