Anulimi i tenderave për rindërditmin e disa shkollave dhe kopshteve në Tiranë: Shkak situata nga Covid-19

Tenderat për rindërtimin e 8 shkollave dhe 2 kopshteve në Tiranë, të dëmtuara nga tërmeti i 26 nëntorit, janë anuluar.

Në listat e shkollave që preken është edhe ajo e “Sami Frashërit”, në të cilën disa ditë më parë u ndërhy nga Bashkia e Tiranës për të bërë shembjen e saj, ndërsa kryebashkiaku Veliaj deklaroi se do të ndërtohej nga e para në plotësim të të gjitha kushteve bashkëkohore.

Ndërkohë, burime nga Bashkia e Tiranës për Politiko sqaruan se procedura e anulimit lidhet me mbylljen e zyrave noteriale për shkak të COVID-19, që ka sjellë mos-plotësimin e dosjeve nga ana e kompanive.

‘Me rihapjen e tenderit me procedurë të përshpejtuar pritet që gjithçka të mbyllet brenda 10 ditësh’, shtuan burimet.

8 shkollat dhe 2 kopshtet që do të rindërtohen
Shkolla 9-vjeçare “Hasan Vogli”
Shkolla 9-vjecare “Mangull”

Shkolla 9-vjecare “Pezë e Vogël”
Ndërtim i shkollës cikli i ulët “Pajan”
Kopshti “Fikas”
Kopshti “Gurrë”
Shkolla e mesme “Sami Frashëri”
Shkolla 9-vjeçare “Qazim Turdiu”
Shkolla 9-vjeçare “Murat Toptani”
Shkolla 9-vjeçare “17-Shkurti”