Barin e hamë vetëm në një kuti…

Pavel Kuczynski, artisti që ka ilustruar nëpërmes satirës skicën që ai e titullon “Vota’, është diplomuar në Akademinë e Arteve të Bukura në Poznan të Polonisë. Në këtë pikë ai ngjan me Kryeministrin Edi Rama, i cili gjithashtu ka mbaruar Artet (në kohën e tij quhej Instituti i Lartë i Arteve).

Atë që artisti polak e shtjellon si satirë, Kryeminsitri ynë e sheh si mundësi. Në zgjedhjet e 18 qershorit, nëse mbahen, do të jetë vetëm një kuti, edhe pse duket se janë shumë.

‘Edhe bar do hamë, dhe nuk ia shtrijmë dorën armikut’, ka qenë një parullë e vjetër ‘revolucionare’ e kohës së komunizmit. E cila mund të shndërrohet në ‘edhe bar hamë…mu te kutia ku është bari i Partisë sonë”.