Astrit Patozi është i hapur të bashkëpunojë me Partinë Demokratike. Koordinatori i Bindjes Demokratike në ‘Mbrëmje në Abc’ me Mirela Milorin tregon kushtet, duke filluar nga platforma e përshtatshme te mos-berja e asnje lloje ‘pazari’ me Edi Ramen.
“Ne bashkëpunojmë me çdo parti opozitare dhe unë nuk mund të përjashtoj askënd. Sigurisht që ne duhet të kemi një lloj platformë dhe duhet të kemi bindje të përbashkëta. Kur unë shikoj se këtu kërkohet sërish pazar, unë nuk mund të afrohem. Pse them që Edi Rama ka përgjegjësi për ikjen e opozitës. E di si thoshte ai që nuk ka më Lulzim Basha siç kishte para dy vjetësh, nuk ka më pazar që të dhashë ça deshe para dy vjetësh e të tjera me radhë.
Kjo është përgjegjësi e madhe dhe është pranim në vetë të parë i kësaj përgjegjësie sepse e paske bërë njëherë, ia paske lejuar vetes që ta bësh njëherë dhe nuk e bën më herë tjetër. Po ajo hera e parë çfarë është? Është zvarritje 2 vjet e Shqipërisë sepse ti e bëre pazarin me idenë që ta nxirrje vendin nga kriza por e fute më thellë për dy vjet. Unë them që qeveritë ndonjëherë rrëzohen edhe kur janë të mira. Pse? Për shkak të konsumit të viteve”, sqaron Patozi.
Patozi shton se ka vetëm një mënyrë për largimin e Edi Ramës: vota.
I penduari Astrit Patozi. Ankesa, mallkime dhe lutje për 30 qershorin
Discussion about this post