Durrës/ Një trup i pajetë bie në rrjetat e peshkatarëve, dyshohet se i përket një femre

Foto ilustruese

Sot në mëngjes në plazhin e Durrësit është gjetur një trup i pajetë. Trupi që dyshohet se i përket një femre është dekompozuar raporton ‘News 24’.

Mësohet se trupi i pajetë është nxjerrë nga peshkatarët të cilët kanë qenë duke peshkuar në 70 metra thellësi. Kur kanë nxjerrë rrjetën ata kanë parë trupin që kishte rënë në të.

Këqyrjet paraprake tregojnë se trupi ka kaluar një kohë të madhe në ujë, ndërsa ngjarja ka ndodhur 6 milje nga Bishti i Pallës.