Flash News

Nga terreni në letër, Rama paralajmëron reformë të re për "tokat e xanuna"

Dyshohet se është vrarë, del foto e 23-vjeçarit që u gjet i vdekur në liqenin e Shkopetit

Aksioni në Theth, banori mes lotësh: Kam ndërtuar në tokën time me shpenzimet e jetës, shteti të mos i prishë

Drejtorët në shënjestër! Pas Fierit dhe Durrësit, Rama mbërrin në Elbasan

Emri/ Identifikohet 23-vjeçari që u gjet i pajetë pranë liqenit të Shkopetit

E-TJERA

Flet motra e Egli Progës që u dhunua për vdekje: Është vrasje, policia dhe ambulanca u vonuan

Politiko 12 Gusht 2024, 13:48

Flet motra e Egli Progës që u dhunua për vdekje: Është

Jonida Proga, motra e 43-vjeçarit Egli Proga që humbi jetën në Pogradec pas dhunës nga Denis Meçe, ka folur për mediat.

Jonida është shprehur se kur ka mbërritur në spital dhe ka parë të vëllanë, asnjë efektiv policie nuk i ka dhënë informacion, përveçse i kanë thënë se është rrëzuar.

Sipas saj, i vëllai është dhunuar nga disa njerëz dhe më pas është braktisur në rrugë. Ajo e kthen gishti dhe nga shteti duke i akuzuar si bashkëpunëtorë në vrasjen e Egli Progës.

“Më ka marrë djali tezes në telefon dhe më tha urgjent në spital. Vrapoj për atje, futem te urgjenca, shoh Eglin të shtrirë, të masakruar. Mjekët ishin duke i dhënë ndihmën e fundit, ne se pranonim dot që kishte ndodhur derisa mjekët thanë që ti hiqnin pajisjet. Në shok kam dalë jashtë, pyes policët çfarë ka ndodhur dhe më thonë është rrëzuar.

Kanë folur për pjesën që është rrëzuar e deri që nuk e dimë, por jo të thoshin kemi lëshuar njerëz, po mbledhim prova, po marrim kamerat, po pyesim dëshmitarë. Policia ka lëvizur shumë vonë. Do të thotë që kanë qenë në lëvizje nga të tjerët për tu sjellë kështu. Akoma asnjë gjë, informacioni vetëm është marrë nga mediat. Mirë që si lexova që ka vdekur në gjendje të dehur nga rrëzimi, se nuk e di si do ta përballoja.

Dallohej qartazi që ishte dhunuar, por nuk thuhej nga askush që ishte i dhunuar. E kanë vrarë, e kanë masakruar në mes të rrugës në tufë, e kanë braktisur, e kanë lënë. Ambulanca nuk vinte, u vonua gjysmë ore që Pogradeci për 2 minuta arrin. Policia nuk pranonte të lëvizte trupin pa ardhur ambulanca, mund të ishte gjallë aty, mund ta shpëtonin.

Egli ishte njeriu më i butë, më i dashur, e donin të gjithë, ishte familjar, ishte në punën e tij. Sa ka mbyllur punën, ishte në qejf, nuk e di çka ndodhur. E kanë kthyer, e kanë provokuar, dhe më pas e kanë vrarë. Është vrasje në bashkëpunim, s’është vetëm një njeri, këtu është në bashkëpunim dhe shteti që ka pritur, e ka fshehur ngjarjen. Nuk ka patur shirita, makinat kalonin aty, njerëzit pinin kafe.

Kjo është vrasje nga të gjitha anët, me gjakftohtësinë më të madhe, nuk është një vrasës, kjo gjë sapo ka filluar dhe mos guxojë askush të bëhet palë. Kushdo që ka guxuar mos të guxojë më.

Të hetohet çdo gjë në detaje, çdo gjë që ka ndodhur, çdo gjë që është bërë në bashkëpunim, çdo frymë që ka kaluar atje, çdokush që e ka parë, gjithë plehrat që janë fshehur, çdo kafshë që ka guxuar të jetë atje e ka frikë e fshihet. Si thonë që nuk kemi parë gjë kur shohin të masakrohet një njeri i pambrojtur? Kush është i forti këtu kur goditet i pambrojturi?”, deklaroi ajo për mediat.

Të fundit