Flash News

Ersekë/ Elderly man struck by lightning, dies on the spot

KAS vendos hapjen e 229 kutive të materialeve zgjedhore të Qarkut Vlorë

Fraud and money laundering, 9 thousand square meters of land seized in Fushe Preza

Constitutional Court reviews TikTok shutdown decision

Murder of Ermir Dedja, two people arrested, smuggled the vehicle used by the perpetrators

Ditari i Opozitës

Fjalimi i Ramës për mandatin e dytë, reagon Basha: Asgjë e mirë nuk vjen nga një e keqe e vjetër, e ka bërë Shqipërinë të pajetueshme

Politiko 2021-08-25 13:46:57

Fjalimi i Ramës për mandatin e dytë, reagon Basha: Asgjë e

Vjen reagimi i parë i kreut të PD, Lulzim Basha pas fjalimit përmbyllës të kryeministrit Edi Rama për mandatin e dytë qeverisës.

Basha rendit disa nga çështjet që shqetësojnë shqiptarët si kriza mjedisore e krijuar nga plehrat, ngjarjet kriminale, korrupsioni etj.

Sipas Bashës, në një reagim në twitter, asgjë e mirë nuk mund të vijë nga një e keqe e vjetër që e ka bërë Shqipërinë të pajetueshme për fëmijët tanë.  

“Asgjë e re nga përsëritja e mashtrimeve të vjetra. Plehrat digjen në kriza mjedisore të stisura për të çuar taksat e qytetarëve te mafia e inceneratorëve, krimi gëlon prej ortakërisë me pushtetin, korrupsioni që ka kapur shtetin është i përhapur në cdo qelizë të qeverisë, varfëron dhe largon shqiptarët, të braktisur edhe në kohë pandemie me numrin më të lartë të vdekjeve në raport me popullsinë në Europë dhe paketat më të vogla ekonomike në kontinent, integrimi në të cilin mbahet peng nga dështimet e njëpasnjëshme.

Ky është bilanci real i një regjimi që masakron zgjedhjet vetëm për të vjedhur familjet shqiptare. Autorët e tij duhet të ishin përpara drejtësisë për atë që u kanë bërë Shqipërisë dhe shqiptarëve në këto 8 vite, jo duke përrallosur për arritje imagjinare.

Partia Demokratike është e angazhuar për të sjellë ato zgjidhje që masakra e 25 prillit u mohoi qytetarëve, sepse asgjë e mirë nuk mund të vijë nga një e keqe e vjetër që e ka bërë Shqipërinë të pajetueshme për fëmijët tanë”, shkruan Basha.

Latest news