Milani nuk ndalet në merkato. Edhe pse jo me shifra të bujshme, klubi kuqezi po punon për transferimin e sa më shumë lojtarëve në ndihmë të trajnerit Stefano Pioli.
Deri tani janë afruar Ibrahimovic, Kjaer dhe Begovic. Radhën tashmë e kanë talentet. Mediat italiane raportojnë për një interesim intensiv për mesfushorin portugez Florentino. Ai luan te Benfica dhe është vetëm 20 vjeç.
Dyshja e drejtuesve të merkatos së “Djallit”, Maldini dhe Boban, kanë nisur bisedimet me klubin luzitan. Bëhet fjalë për huazim me të drejtë blerjeje.
