Drejtori i Përgjithshëm i Policisë së Shtetit, Ardi Veliu bëri sot publike një video ku ‘shënjestër’ ishte nëna e një 15 vjeçari që u dhunua nga policia pasi shkeli masat anti-Covid.
Gjatë raportimit në mbledhjen online të Komisionit të Sigurisë, i pyetur në lidhje me këtë çështje, Veliu jo vetëm që ka marrë në mbrojtje efektivët e policisë- megjithëse sipas tij ka patur në një moment shkelje të kompetencave, por po ashtu ka nxjerrë një video nga Facebook-u i nënës së të miturit e cila shfaqet me pistoletë në dorë, duke përdorur etiketime morale për familjen në fjalë.
Më tej u sqarua se skena me pistoletë në fakt i përkiste një skene filmi. Pas deklaratës të Veliut, e ëma e 15-vjeçarit, Zaida Çobo, ka treguar se e gjitha kjo është një video e shkëputur nga xhirimet e filmit të Drilon Hoxhës i titulluar ‘Dashuria s’mjafton’. Çobo paralajmëroi edhe një padi për Veliun. Pas këtij reagimi, Veliut ju desh të kërkojë një ndjesë publike për “keqkuptimin”, me argumentin se fjala e tij ishte nxjerrë nga konteksti.
Të pranishme në mbledhjen online, teksa Veliu tregonte videon ishin disa depute gra, mes të cilave tre socialiste.
Ajo çka bie në sy është se në momentin kur Veliu tregoi për rastin në fjalë, dhe paragjykoi gruan se çfarë edukate i ka dhënë djalit, asnjëra nga gratë deputete të pranishme në mbledhjen online nuk kanë reaguar edhe pse ajo që u diskriminua ishte një femër.
Financuar Nga Bashkimi Europian
