Hillary Clinton i premton Kosovës: SHBA-ja do të vazhdojë mbështetjen për ju

Ish sekretarja e shtetit amerikan, Hillary Clinton, nuk ishte e pranishme në kosovë për 20 vjetorin e çlirimit të saj, por ajo nuk e ka harruar këtë vend. Clinton dërgoi një video-mesazh

Clinton në videon e publikuar në Konferencën Ndërkombëtare të Sigurisë “20 vjet liri: Një vizion për paqe të qëndrueshme”, tha se SHBA-ja i ka mbështetur dhe do të vazhdojë t’i mbështesë kauzat e Kosovës.

“Shënimi i sotëm është për një përparim, për një paqe, për një të ardhme të ndritshme që qytetarët e Kosovës e meritojnë. Pavarësia, e drejta, zgjedhjet e drejta dhe kredibile, përforcimi i drejtësisë dhe rritja ekonomike kanë shënuar ndryshime. Aleanca e NATO-s, mbetet esenciale për mbrojtjen e lirive të cilat janë fituar. Derisa merrni kohë për t’i kujtuar të dashurit tuaj, dhe pajtimit e drejtësisë, duke punuar drejt integrimit evropian, mbani në mend se ju keni shumë miq amerikan dhe po i mbështesin fuqishëm kauzat e juaja”, thuhet në video mesazhin e ish-sekretares.