Ministria e Shëndetësisë dhe Mbrojtjes Sociale ka reaguar lidhur me ndarjen nga jeta të mjekut Anibal Byberi, i cili humbi betejën me covid-19.,
Sipas ministrisë, mjeku pneumolog 53 vjeçar, me origjinë nga Tropoja vuante nga psoriasis, një sëmundje lëkure dhe obeziteti.
Po ashtu, këto ditë do të konkurronte në portalin “Mjekë për Shqipërinë”.
“Ministria e Shëndetësisë dhe Mbrojtjes Sociale me hidhërim të thellë konfirmon humbjen e jetës së mjekut Anibal Byberi në spitalin “Shefqet Ndroqi”, si pasojë e Covid19.
Mjeku pneumolog 53 vjeçar, me origjinë nga Tropoja është konfirmuar pozitiv me virusin e rrezikshëm pak ditë më parë dhe vijonte trajtimin në banesë. Pas rëndimit të gjendjes shëndetësore, mjeku Byberi është paraqitur në Urgjencën e Spitalit Universitar “Shefqet Ndroqi”, ku pavarësisht ndihmës së menjëhershme të ofruar nga stafi mjekësor, fatkeqësisht nuk ka mundur të mbijetojë si pasojë e insuficencës së rëndë respiratore.
Mjeku Anibal Byberi vuante nga psoriasis, një sëmundje lëkure dhe obeziteti. Pas shumë vitesh punë në vendlindjen e tij, ka punuar për disa kohë si mjek në burgun 302, ndërsa aktualisht nuk ishte në punë, ndërsa këto ditë do të konkurronte në portalin “Mjekë për Shqipërinë””, njofton MSH.
Financuar Nga Bashkimi Europian
