Këshillat bashkiakë në vend, Dom Gjergj Meta: As formalisht nuk kemi demokraci

Dom Gjergj Meta, një prej klerikëve katolikë më të njohur në vend ka reaguar në rrjetin social Twitter lidhur me zhvillimet e fundit politike në vend, duke u ndalur te konstituimi i këshillave bashkiakë.

Dom Gjergji shkruan se ky është komunizëm, pasi tani edhe formalisht nuk mund të quhen demokratike.

“Bashkitë dhe këshillat bashkiakë në Shqipëri në këto vite kanë qenë të gjitha të qeverisura në mënyrë autokrate, por formalisht ishin plurale. Tani e tutje, as formalisht. Brenda tyre dhe në të gjithë territorin janë moniste. Kjo nuk quhet më demokraci, as formalisht”, shkruan Dom Gjergj Meta në postimin e tij.