Flash News

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

Makina përplas dy turistë me motoçikletë në Fushë Arrëz, humb jetën njëri prej tyre

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

KRYESORE

Kosova/ Edi Rama hap temën e bashkimit kombëtar dhe merr në mbrojtje Sali Berishën: Kemi nevojë për një kuvend burrash

Politiko 13 Shtator 2018, 21:37
Kosova/ Edi Rama hap temën e bashkimit kombëtar dhe merr në

Në një moment kur politika në Kosovë është e trazuar për marrëveshjen përfundimtare që do të arrihet me Serbinë, ndërsa politika në Tiranë po dominohet nga opozita dhe propozimi për vetting-un ndaj zyrtarëve të lartë, kryeministri Edi Rama ka hedhur në publik temën e bashkimit kombëtar.

Gjatë emisionit ‘Open’ në Top Channel, Rama tha se në debatin për ndryshimin e kufijve midis Kosovës dhe Serbisë nuk po gjen vend ideja e bashkimit kombëtar. Kryeministri shqiptar foli gjithashtu për nevojën e një kuvendi burrash pasi ky moment do të përcaktojë jo vetëm të ardhmen e Kosovës, por të gjithë kombit shqiptar.

“Ku është bashkimi kombëtar në këtë mes? Këtu fillon biseda, që nuk është një bisedë klubesh. Unë ngrita një nga shumë pyetjet që ne duhet t’ja ngrejmë vetes në këtë moment. Kur flasim për bashkimin kombëtar flasim për një proces në kuadër të Bashkimit Evropian, kurse në këtë çështje duhet të jemi një vëllazëri. Duhet të bëjmë një diskutim të brendshëm strategjik, në radhë të parë duhet ta bëjnë ata që kanë marrë përsipër drejtimin e Kosovës. Unë flas për kuvendin e burrave. Të gjithë ata që janë zgjedhur nga qytetarët e Kosovës të ulen dhe të bëjnë një diskutim si burra të Kuvendit dhe jo hidh e prit nëpër televizor”, tha Rama.

Kryeministri theksoi se deri më tani debati për ndryshimin e kufijve është zhvilluar mbi një ide dhe jo mbi një platformë.

“Nuk bëhet fjalë për një çështje të ditës, por për një çështje të historisë sonë të përbashkët. I takon në radhë të parë Kosovës që të përpunojnë një platformë për dialogun dhe unë jam i fundit njeri ndër shqiptarët që më takon të flasë dhe të bëjë komentatorin, në një kohë kur në Kosovë ka debat mbi një ide por jo mbi një platformë, sepse një platformë nuk e kemi parë. Nga ana tjetër, si përfaqësues i Shqipërisë respektoj deri në fund Kosovën dhe autoritetet e saj. Kjo është një çështje ku luhet jo vetëm fati i Kosovës, por i krejt kombit shqiptar për shumë vite me radhë. Kjo e imja nuk është as indiferencë dhe as pro apo kundër kësaj ideje, kjo ka të bëjë me vetëdijen se çështja është shumë rëndë. Ka një peshë të jashtëzakonshme dhe qasja duhet të jetë e jashtëzakonshme”, u shpreh Rama.

Rama mori në mbrojtje edhe ish-kryeministrin Sali Berisha, i cili u sulmua ashpër nga presidenti kosovar, Hashim Thaçi, pasi kundërshtoi idenë e ndryshimit të kufijve.

“Ju e dini mendimin tim për Sali Berishën, por në këtë rast nuk mendoj se është koha e atillë që  t’i kujtohet se çfarë ke bërë ti atëherë... Sali berisha është ai që është, është lideri defacto i PD dhe me peshë politike. Është një zë në këtë çështje”, deklaroi Rama.

Heshtja për kufijtë; Rama shfrytëzon momentin të sulmojë Thaçin: Ju kujtohet kur tha se nuk kam të drejtë të flasë për Kosovën?

Të fundit