Flash News

Goditi mjekun me sende të forta në kokë, arrestohet 54-vjeçari në Vorë

Ishte nisur nga Bari, policia kufitare ndalon velieren në Spille, gjenden armë e municione

Meteorologët paralajmërojnë për përmbytje në Shqipëri

Flet e moshuara që u dhunua nga nusja në Shkodër: M’i ka shkulur flokët!

Shtyu gazetaren/ Shoqata e Gazetarëve Europianë dënon sjelljen e Majkos: Akt intimidues

Kosova

KFOR: Çdo vendim në lidhje me hapjen e urës së Ibrit duhet të merret në kuadër të dialogut

Politiko 6 Gusht 2024, 19:15

KFOR: Çdo vendim në lidhje me hapjen e urës së Ibrit duhet

Misioni i NATO-s në Kosovë (KFOR) ka përsëritur se çdo vendim për hapjen e urës kryesore mbi lumin Ibër duhet të merret në kuadër të dialogut mes Prishtinës dhe Beogradit, të ndërmjetësuar nga Bashkimi Evropian.

Përmes një njoftimi për media KFOR ka thënë se nuk do të hezitojnë të trajtojnë çfarëdo zhvillimi që mund të ndikojë në mjedisin e sigurisë dhe stabilitetin rajonal.

“Njësitë e KFOR-it mbajnë një prani të përhershme, fikse në urë dhe vazhdojnë të kryejnë patrullime të rregullta në zonat përreth për të garantuar stabilitet dhe siguri, për të mirën e të gjitha komuniteteve lokale. Ne nuk do të hezitojmë të trajtojmë çdo zhvillim që mund të ndikojë në mjedisin e sigurisë dhe stabilitetin rajonal, në respekt të plotë të mandatit tonë të OKB-së”, thuhet në komunikatë.

KFOR ka përsëritur qëndrimin që çdo vendim në lidhje me hapjen e Urës duhet të merret në kuadër të dialogut të Brukselit.

“Qëndrimi i KFOR-it ka qenë i qartë dhe konsistent gjatë gjithë kohës. Çdo vendim në lidhje me hapjen e urës kryesore mbi lumin Ibër duhet të merret në kuadër të dialogut të ndërmjetësuar nga BE-ja ndërmjet Beogradit dhe Prishtinës”, thuhet tutje.

“KFOR-i vazhdon të zbatojë mandatin e tij të bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt dhe të qetë për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme. KFOR-i ka një qëndrim të dukshëm, fleksibël dhe të pajisur mirë.KFOR-i vepron si reagues i tretë i sigurisë, në koordinim të ngushtë me Policinë e Kosovës dhe misionin e BE-së për Sundimin e Ligjit (EULEX), të cilët janë përkatësisht reaguesi i parë dhe i dytë i sigurisë.”, përfundon njoftimi.

Të fundit