Lela: Me projektligjin anti-shpifje, qeveria synon të kontrollojë një territor të pa kapur

Analisti Alfred Lela mendon se qeveria me projektligjin anti-shpifje synon që të vërë nën kontroll një territor që ende nuk e ka.

“ Ky ligji nuk është për fakenews, nuk është për të sunduar “fakenews”, është për të kontrolluar një territor ende të pa kapur nga qeveria. Këtu do të jemi dhe do ta shohim.

Unë jam për një formë të vetërregullimit, për një formë të miksuar. Duhet një tryezë me gazetarët, unë nuk kam qenë. Gazetarët janë të interesuar drejtpërdrejt për këtë ligj.

Shqetësimi im është se ne jemi një shoqëri ende e pastërvitur, edhe mediatikisht, edhe politikisht, edhe kulturalisht. Do më hidhen në fyt si gazetar politik, por duhet ta them që ky ligj ka anti-fjalë e lirë, anti-media.”, tha Lela në “Real Story” në News 24.