“Lironi djemtë tanë”, banorët e ‘Astirit’ zhvendosin protestën te Gjykata e Tiranës, të arrestuarit sot para gjykatës

Banorët e ‘Astirit’ kanë zhvendosur sot paradite protestën e tyre para Gjykata e Tiranës. Të revoltuar, banorët kërkojnë lirimin e të arrestuarve në protestën e së enjtes, që u përplasën me policinë para Parlamentit.

Sot ata do të njihen me masën e sigurisë, ndërsa dje Prokuroria kërkoi ‘arrest me burg’ për 6 nga 10 të arrestuarve, Fluturim Goleci, Amarildo Sinanaj , Marsel Velillari, Dorjan Protoduari, Ruzhdi Daci si dhe për Shpati Bilbilajn.

Në mbështetje të banorëve kanë shkuar edhe deputetët e PD-së.

Banorët bëjnë thirrje para gjykatës të lirohen të arrestuarit dhe se kërkojnë drejtësi për këtë çështje.

Nga përplasja, mbetën të plagosur 13 efektivë policie, mes tyre edhe Ina Nuka.