Në gusht QSUT mbylli laboratorin për testet e covid-19, Shqipëria sot me çmimin më të shtrenjtë në rajon të PCR në privat  

Shqipëria renditet në vendin e parë në rajon për çmimin e testeve PCR, që identifikojnë SARS-CoV-2 në laboratorët e klinikave private.

Aktualisht, në dy laboratorë të certifikuar nga qeveria shqiptare një test kushton 100 euro ose rreth 120 mijë lekë të vjetra dhe përgjigja vjen pas 24 ose 36 orësh.

Megjithatë, 120 mijë lekë të vjetra për një tampon nuk është një shumë e përballueshme për të gjithë, ndërsa kryerja e tij në shtet shpesh është herë në media është thënë nga persona që kanë patur dyshime se janë infektuar se përgjigja merret deri pas dhjetë ditësh.

Në këto kushte, shumë njerëz janë detyruar t’i drejtohen privatit, por me kosto shumë më të lartë se vendet e tjera të rajonit.

Kështu, në Kosovë tamponi kushton 60 euro, por mund të ofrohet edhe testi GeneXpert SARS COV-2 që kushton 200 EUR pasi jep rezultate në 45 minuta.

Në Maqedoninë e Veriut, testet në laboratorët private të PCR-së kushtojnë 50- 100 EUR me mesataren rreth 65 euro.

Në Serbi, një PCR kushton 50 EUR dhe në Bosnjë dhe Hercegovinë, është 70 EUR. Në Malin e Zi, testimi privat nuk lejohet ende.  

Mbyllja e laboratorit të përgatitur për të kryer testimin PCR në QSUT

Në gusht, laboratori QSUT i cili ishte përgatitur për të kryer testimin PCR në kohë reale u mbyll. Dy javë më përpara, Ministrja e Shëndetësisë Ogerta Manastirliu kishte inspektuar laboratorin e ri dhe deklaronte se testet do të kryheshin atje, duke rritur kështu kapacitetin e testimit të Shqipërisë. Anëtarët e stafit gjithashtu ishin trajnuar në metodat e reja të testimit.

Vetëm dy javë më vonë, Manastirliu urdhëroi që laboratori të mbyllej. Vendimi u mor me kërkesë të një koncesionari i cili kishte fituar një tender prej 95 milion eurosh për të kryer të gjitha analizat në të gjithë laboratorët në spitalet shtetërore.

Në fund të korrikut, Ministria e Shëndetësisë urdhëroi mbylljen e strukturave laboratorike në QSUT, që shërbente për kryerjen e testeve në ‘Real Time PCR’ për identifikimin e SARS-CoV-2.

Por, dy javë më vonë, në kulmin e pandemisë vetë Manastirliu kërkoi që ky laborator të mbyllet. Vendimi u mor pas kërkesës së koncesionarit, i cili fitoi të drejtën që për 10 vitet e ardhshme të bëhet pronar i të gjithë laboratorëve dhe setit të analizave që do të kryejnë shqiptarët nëpër spitalet publike me një vlerë prej 95 milionë euro.

Sipas Birn, kontrata koncesionare “Për ofrimin e shërbimit laboratorik të spitaleve universitare, rajonale dhe atyre bashkiake të Sarandës dhe Lushnjes” u firmos në 24 prill 2019 nga zv.kryeministri Erion Braçe, në mungesë dhe me porosi të kryeministrit Edi Rama.

Koncesioni i laboratorëve u fitua në prill 2017 nga konsorciumi i tre kompanive; Labopharma sh.p.k me 41.7%, Exalab France me 25% dhe AB Laboratory Solution BV, një kompani e regjistruar në Holandë me 33% pjesë në konsorcium.