Klanet shqiptare të drogës dhe lënda narkotike që hyn nga brigjet shqiptare është kthyer në një problem serioz në Itali. Fuqia e grupeve kriminale shqiptare është forcuar së tepërmi, aq sa tani është bërë mjaft e vështirë për antimafian italiane që t’i godasë.
Drogat e ndryshme vazhdojnë që të futen në territorin italian nëpërmjet rrugëve detare. Por kontrolli më i madh i karabinierëve ka bërë që trafikantët shqiptarë të përdorin kamionët apo makinat shkruan vastoweb.com
Referuar të dhënave të strukturave italiane të hetimit, aq serioz është problemi, sa vetëm në tremujorin e tretë të vitit 2018, në Itali u futën lëndë narkotike me vlerë 4 milionë euro.
Pavarësisht arrestimeve të shumta dhe sekuestrimeve në sasi të mëdha të drogës, veprimtaria e mafieve shqiptare nuk ndalet, e kjo sepse burimet e fitimeve në këtë trafik janë me të vërtet të mëdha.
Komenti:
Që tani trafiku ndërkombëtar i drogës është aktiviteti kryesor ekonomik i organizatave mafioze shqiptare, ky është një fakt.
Shqipëria është kthyer në një nga hallkat më të rëndësishme të zinxhirit në trafikun ndërkombëtar të heroinës, e cila vjen nga Turqia drejt Evropës Perëndimore, nëpërmjet Bullgarisë, Maqedonisë, Rumanisë për të përfunduar në Itali.
Përgjatë viteve, organizatat mafioze shqiptare kanë ndërtuar një rrjet të madh të shpërndarjes së drogës në vendin fqinj.
Drogat e ndryshme aktualisht transportohen me motoskafë drejt Italisë, por kontrolli më i rreptë i policisë italianë përgjatë bregdetit, ka bërë që trafiku i drogës të bëhet edhe me kamionë apo makina që zbarkojnë në portet e Ankonës apo Barit, e në vazhdim për të përshkuar rrugën e vijës adriatike, që prek Pulian, Molisen, Abrucon dhe Marken, për të përfunduar deri në veri të Italisë.
Organizatat shqiptare përdorin si korrierë italianë, e po ashtu edhe të huaj. Ishte i pak muajve të parë arrestimi i trafikantëve që furnizonin me drogë Basso Molise-n.
Pavarësisht arrestimeve dhe sekuestrimeve, organizatat mafioze shqiptare nuk ndalen, duke qenë se burimet e fitimit të këtij trafiku janë me të vërtetë të mëdha.
Nga raportet e Drejtorisë antimafia italiane (Dia) dhe të Bankës së të Dhënave, rezulton se vetëm në tremujorin e tretë të 2018, krimi i organizuar shqiptar ka transportuar në brigjet italiane lëndë narkotike me një vlerë e cila kalon 4 milionë eurot.
Baza e parë logjistike në Adriatik është Bari, por janë gjetur pika të qëndrueshme edhe në Basso Molise. Mafiet shqiptare e kanë ndarë territorin italian në dy pjesë operative, një në veri me Milanon dhe Torinon si baza, të drejtuar nga një nga shefat e organizatës, Fatos Bakaj dhe baza tjetër në Romë dhe Bari, të drejtuar nga krahu i djathtë i liderit të organizatës.
Ndërkohë, organizata ka ngritur edhe disa laboratorë në Itali që shërbejnë për krijimin drogave sintetike.
Pas shumë vitesh hetime, nga përgjimet e shumta telefonike dhe ambientale, hetuesit italianë kanë arritur që të zbulojnë thuajse të tërë rrjetin e organizatës, që drejtohet nga një bos mafioz, i cili njihet me nofkën Profesori, që aktualisht gjendet në Turqi.
Në Molise dhe në Abruzzo, shqiptarët kanë konsoliduar rolin furnizuesve dhe të shpërndarësve të drogës, sidomos të kokainës.
Shqiptarët shkojnë në Molise e Abruzzo për të shpërndarë drogën e cila shpesh vjen nga brigjet pulieze.
Organizatat kriminale shqiptare tashmë e kanë bërë hedhjen cilësore me hyrjen e tyre në trafikun ndërkombëtar të drogës në masë dhe në nivelin e evropian dhe kanë hyrë në kontakt me narkotrafikantët amerikano-jugorë dhe veprojnë në sinergji me mafiet italiane. Rreziku është i lartë dhe në termin afatgjatë aktiviteti i parandalimit dhe represionit do të luajë një rol vendimtar.
Financuar Nga Bashkimi Europian
