Në kushtet kur vendi është ende në periudhë pandemie, Durrësi prej ditësh është ‘pushtuar’ nga mbeturinat. Në rrugë e troturarë të zë syri mbetje urbane, për shkak se nuk janë mbledhur nga mjetet e ndërmarrjes së pastrimit të bashkisë.
Kjo për shkak të anulimit të vendimit për të dërguar mbetjet urbane të Durrësit në landfillin e Sharrës.
Në kushte të tilla, duket se kamionët e tejmbushur me plehra kane nisur të shkarkohen ku të munden larg qendrës urbane të Durrësit, konkretisht në Manëz.
Banorët e zonës e kanë kundërshtuar këtë ‘nismë’, madje është dashur edhe ndërhyrja e policisë për të shmangur incidentet, siç duket edhe nga imazhet.
Financuar Nga Bashkimi Europian
