Peter Lucas: Nikki Haley është arma më e mirë e Biden kundër Trump

Peter Lucas/ Boston Herald

Harrojeni John Kerry-n.

Gjëja më e mirë që po i ndodh fushatës së presidentit Joe Biden është Nikki Haley.

Ndërsa është e vërtetë që Kerry, 80 vjeç, po largohet nga posti i tij si cari i klimës së Biden-it për të bërë fushatë për presidentin 81-vjeçar, ka të ngjarë që Kerry, një katastrofë e marrëdhënieve me publikun (pr), të pengojë më shumë votues sesa të shtyjë për të votuar për Biden.

Kerry-n mund ta duan në Davos, por jo dhe aq në Dorchester (lagje e Boston).

Deri më tani, republikanja Nikki Haley është pasuria më e madhe e Joe Biden.

Refuzimi i saj për t'u larguar nga gara paraprake Republikane pas humbjes ndaj Donald Trump në të dy primaret e Iowa dhe në New Hampshire, është vetëm në dobi të Biden.

Kjo do të thotë se ajo vetëm do t'i shtojë sulmet e saj ndaj Trump, edhe pse ka pak, për të mos thënë aspak, shpresa për të mposhtur ish-presidentin, përgjatë fushatës për nominimin Republikan.

Ajo është pas Trump edhe në shtetin e saj të Karolinës së Jugut, ku shërbeu si guvernator për dy mandate. Karolina e Jugut do të mbajë zgjedhjet paraprake më 24 shkurt.

Të gjithë, duke përfshirë edhe sanitarin në Parlamentin e Karolinës së Jugut në Columbia, duket se mbështesin Trump, madje edhe senatori Tim Scott, të cilin Haley e emëroi në Senat në 2012 për të plotësuar mandatin e senatorit Jim DeMint, i cili doli në pension.

Scott, i pari republikan me ngjyrë që përfaqëson shtetin e Karloinës së Jugut në Senatin amerikan që nga Rindërtimi, mbështeti Trump pasi u largua vetë nga gara presidenciale.

Ndërsa anti-Trumpistët mund të kritikojnë Scott për mosmirënjohje në kundërvënien ndaj Haley-t, e njëjta gjë mund të thuhet për Haley-n, e cila iu kundërvu Trump pasi ai e emëroi ambasadore në OKB.

Të tjerë nga Karolina e Jugut që kanë mbështetur Trumpin përkundër Haley-t përfshijnë senatorin Lindsey Graham, guvernatorin Henry McMaster, zv/guvernatorem Pamela Evette, kongresisten Nancy Mace së bashku me disa anëtarë të tjerë të Kongresit.

Pra, nëse Nikki Haley nuk mund të fitojë në shtetin e vet të Karolinës së Jugut, ku mund të fitojë ajo?

Ajo mund të fitojë me Joe Biden.

Ajo gjithashtu mund të fitojë zemrat dhe mendjet e Republikanëve të zhgënjyer anti-Trump, demokratëve që urrejnë Trump dhe të pavarurve.

Për fat të mirë të Trump, nuk ka mjaftueshëm të tillë për të penguar përpjekjen e Trump drejt nominimit Republikan.

Për fat të keq për ish-presidentin, megjithatë, Haley mund ta dëmtojë seriozisht Trumpin te gratë votuese, pavarësisht nga partia, siç i ndodhi atij në zgjedhjet e fundit.

Trump në të kaluarën kishte zakonin e fyerjes së grave, qoftë duke e quajtur ish-yllin e filmave porno, Stormy Daniels, "fytyrë kali", apo tallja me pamjen e ish-ekzekutives së Heëlett-Packard, Carly Fiorina, një kundërshtare presidenciale e vitit 2016.

Ai mund të dilte pa lagur kryesisht për shkak të asaj se ai ishte, epo mirë, Donald Trump, një risi, dhe në atë kohë konkurrent në një fushë të mbushur me kandidatë.

Tani ai po përballet me një grua që nuk do t'ia hapë rrugën, një grua që nuk do ta pranojë humbjen, por pretendon fitore në secilën nga dy garat që ka humbur, Iowa dhe New Hampshire.

Ajo jo vetëm që nuk do të largohet, por është edhe një grua që i mirëpret ofendimet e tij. Kjo forcon pretendimin e saj se një Trump kaotik nuk është më i përshtatshëm për të qenë president.

Ai e quan atë "truzog" dhe asaj i pëlqen sepse e di se po arrin ta zemërojë. Ajo thotë se ai është "me dërrasa mangut”.

Trump mund të ketë thënë të njëjtën gjë për E. Jean Carroll, e cila mori një dëmshpërblim prej 83 milionë dollarësh nga një juri në Manhattan të premten, pasi një juri e mëparshme e shpalli Trumpin përgjegjës për abuzim seksual dhe shpifje para tridhjetë vjetësh.

Problemet e Trumpit me gratë duket se nuk zhduken kurrë.

Haley nuk mund ta mposhtë Trumpin për nominimin e partisë. Por ajo mund të mos ketë nevojë.

Gjithçka që i duhet të bëjë është të mbajë gjallë fushatën e saj dhe të presë që Trump të rrëzohet në një mënyrë ose në një tjetër. Konventa e emërimit të Partisë Republikane është gjashtë muaj larg.

Gjithçka mund t'i ndodhë Trump-it nga tani deri në konventën e korrikut. Dhe nëse ai rrëzohet, Haley do të jetë ende në këmbë.

Nuk është shumë si platform fushte, por është gjithçka ajo ka.

*Peter Lucas është reporter politik dhe kolumnist veteran i Massachusetts.