Pasi u fejua, Genci merr nënshtetësinë shqiptare: E kam dashur që fëmijë

Genc Prelvukaj është shtetasi më i ri shqiptar, edhe pse nuk ishte i nevojshëm një dokument pasi ai e ka dëshmuar gjithnjë dashurinë për Shqipërinë dhe shqiptarët përmes artit të tij.

Gencit tashmë i është shtuar dhe nënshtetësia shqiptare dhe këtë lajm nuk mund të rrinte pa e ndarë me fansat lumturinë që i ka sjellë pajisja me pasaportë shqiptare. Përmes një postimi në Instagram, Genci rrëfen se ky dokument ka munguar në shtëpinë e tyre për 100 vite rresht:

“Në shtëpinë tonë ky dokument mungoi për 100 vite rresht. I fundit që e kishte, ishte stërgjyshi Mehmeti. Për mua, ky nuk është vetëm dokument udhëtimi, është diçka më shumë, është shpirtërore. E kam dashur Shqipërinë si fëmijë dhe vazhdoj ta dua si i rritur. Është kultura e trashëguar në shtëpi me shekuj. Shumë nga paraardhësit e mi kanë rënë në fushëbetejë për Shqipërinë dhe ne jemi edukuar në atë frymë.

Kam qenë çdoherë qytetar i saj, me emocion dhe zemër ndërsa nga sot jam edhe me dokumentet e saj. Sot kam marrë pasaportën e Republikës së Shqipërisë.”

Vetëm para disa kohësh, ai është fejuar me këngëtaren Eni Koçi dhe duket se po shijojnë dashurinë e tyre ku njëkohësisht po punojnë edhe për projekte të reja.