Përplasjet brenda PS-së, Rama mbledhje me dyer të mbyllura me grupin parlamentar

Mëngjesin e sotëm, kryeministri Edi Rama ka mbledhur grupin parlamentar të Partisë Socialiste. Mbledhja është mbajtur në ambientet e kryesisë së Kuvendit.

Ndryshe nga mbledhjet e javëve të kaluara, këtë herë mbledhja nuk u transmetua as nga ERTV.

Mësohet se në fokus të mbledhjes ka qenë më tepër çështjet e brendshme në PS. Në disa degë, do të ketë zgjedhje për kryetarët e rinj dhe tashmë kanë mbërritur emrat e parë. Krahas kësaj, në Kukës ka pasur përplasje të hapura brenda PS-së.