Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në Shqipëri

Politiko 21 Korrik 2020, 07:52

Posta e mëngjesit/ Me 2 rreshta: Çfarë pati rëndësi

Mirëmëngjes!

“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

■ PS, PD, LSI dhe opozita parlamentare rikthehen në tryezën e bisedimeve të Këshillit Politik për ndryshimet kushtetuese. 5 pikat ku u fokusuan diskutimet, ndërsa prezent ishte edhe kryeministri Edi Rama.

■ Pas një viti, Komisioni Hetimor miraton raportin përfundimtar për veprimet e presidentit Ilir Meta. Me 6 vota pro dhe asnjë kundër, komisioni vendosi që presidenti të mos shkarkohet pas veprimeve hetimore, lidhur me ç’dekretimin e zgjedhjeve të 30 qershorit 2019, si dhe për emërimet e anëtarëve të Gjykatës Kushtetuese.

E lidhur: Bashkim Fino del kundër: Meta na quajti grup kriminal; Vasilika Hysi e kundërshton: Besoj se Meta do ofrojë modelin e unitetit të popullit.

■ Raporteri për Shqipërinë në grupin e Partive Popullore Europiane David Lega ka ngritur si problem shumë shqetësues mungesën e ngritjes së Gjykatës Kushtetuese dhe bërjen e saj funksionale për të marrë vendime për disa çështje të rëndësishme.

■ Ministrja e Shëndetësisë Ogerta Manastirliu komunikoi dje vendimin e Qeverisë për ndalimin e hapjes se klubeve të natës, diskove, lounge barve dhe çdo lloj shërbimi të kësaj natyre në mjedis të mbyllur apo të hapur, përveç restoranteve.

E lidhur: Mbyllet Zyra e Vizave dhe e Pasaportave në ambasadën gjermane në Tiranë: Për arsye parandaluese.

■ Tirana u shpall zyrtarisht kampione e Kategorisë Superiore për sezonin 2019-2020, duke festuar kështu titullin e 25-të në histori për bardheblutë e drejtuar nga Emanuel Egbo.

■ Ministria e Shëndetësisë ka informuar mbi situatën e pandemisë në vend gjatë 24 orëve të fundit. Një 80 vjeçar nga Tirana ka humbur jetën. Po ashtu në 24 orët e fundit janë testuar 267 raste të dyshuar me koronavirus dhe janë konfirmuar pozitivë 81 persona, ndërsa 41 qytetarë janë shëruar.

■ Deputetja Rudina Hajdari, pas mbledhjes së Këshillit Politik i bëri thirrje kryedemokratit Basha që të vijë në Këshillit Politik e të diskutojë për listat e hapura.

■ Pas mbledhjes së Këshillit Politik, përfaqësuesi i PD, Gazment Bardhi kujtoi se ruajtja e marrëveshjes së 5 qershorit është kusht për fillimin e negociatave. Sekretari i PDka kundërshtuar një deklaratë të kryeministrit Rama, sipas të cilit opozita e bashkuar kërkoi kohë për t’u konsultuar.

■ Në përfundim të mbledhjes së Këshillit Politik, kryeministri Edi Rama foli për mediat, ku u shpreh se diskutimi ishte i gjatë, por interestant. Rama ka komentuar edhe mungesën e kreut të PD, Basha.

■ Presidenti Ilir Meta ka shpërndarë raportin nga ”Zëri i Amerikës”, ku thuhet se ”gjatë pandemisë gazetarët në Shqipëri janë përballur në mënyrë të përsëritur me refuzim të institucioneve për të dhënë informacione me rëndësi për qytetarët”.