Pandemia globale nuk do të pengojë zgjedhjet presidenciale të parashikuara në 10 maj, sipas Presidenti Andrzej Duda.
Në një intervistë për mediat vendase, presidenti tha se votimi do të kryhet, por me postë, pavarësisht shenjave se koalicioni qeverisës mund të ketë përcarje në këtë drejtim, shkruan reuters.
Partia nacionaliste për Drejtësi dhe Drejtësi (PiS) dëshiron të mbajë zgjedhjet më 10 maj, ndaj ka propozuar një akt ligjor që fletëvotimet postare të zëvendësojnë votimin fizik, në një situatë të pazakontë si kjo që po kalon e gjithë bota.
“Kjo zgjidhje (votim postar) është përdorur disa ditë më parë në Bavari,” tha Duda në gazetën e përditshme ‘Nasz Dziennik’.
“Ne gjithashtu mund ta prezantojmë këtë ide këtu … Votimi me postë do të ishte diçka e re në Poloni, kur situata është e pazakontë”, shtoi presidenti.
Mediat vendase shkruajnë se presidenti e ka pothuajse të sigurt fitoren e një mandati të dytë, për sa kohë që opozita është e mbyllur në shtëpi nga coronavirusi.
Polonia ka vendosur kufizime gjithëpërfshirëse në jetën publike për të ndaluar përhapjen e virusit, duke përfshirë mbylljen e shkollave, parqeve, pyjeve dhe hoteleve dhe ndalimin e tubimeve jashtë më shumë se dy personave.
Ndërsa të Shtunën, janë raportuar 3,503 raste me coronavirus dhe 73 vdekje.
Financuar Nga Bashkimi Europian
