Flash News

Shkaktoi aksidentin e dyfishtë në Vlorë, arrestohet ish-drejtori i Doganës së Fierit

Arben Ahmetaj merret zyrtarisht i pandehur nga SPAK, nën akuzë për 3 vepra penale

Rama niset drejt Britanisë së Madhe, takim me Rishi Sunak; fokusi tek emigracioni dhe krimi

Mjeti përplaset me trafikndarësen në aksin Fushë Krujë-Thumanë, humb jetën pasagjeri

Posta e mëngjesit/ Me 2 rreshta: Çfarë pati rëndësi dje në Shqipëri

KRYESORE

“Pushtimi i Plavës ishte shumë i përgjakshëm”, shtypi francez detaje mbi gjenocidin e forcave malazeze ndaj shqiptarëve: 900 burra, gra e fëmijë mbetën të vrarë

Politiko 27 Shtator 2020, 12:05

Shtypi francez i ka kushtuar një vemendje të veçantë pushtimit të Plavës nga forcat malazeze në tetor të 1912, rrëfimin e të cilit, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar:

L’Univers, e hënë, 21 tetor 1912, f.2 :

Në Mal të Zi

Marrja e Plavës

“Vjenë, 19 tetor. – Malazezët duan të bombardojnë Taraboshin nga tre anët dhe po përgatisin sulmin për nesër.

Plava u mor sot, pas një mbrojtje kokëfortë të shqiptarëve, 900 prej të cilëve ranë (u vranë). Gratë dhe fëmijët shqiptarë morën pjesë në mbrojtje. Humbjet e malazezëve janë gjithashtu të konsiderueshme.”

L’Intransigeant, e martë, 22 tetor 1912, ballinë :

“Malazezët kanë marrë Plavën dhe Gucinë (ku u zhvillua një përleshje disa ditë më parë). 900 shqiptarë myslimanë thuhet se kanë rënë duke mbrojtur Plavën. Dy qytetet e marra (të pushtuara) janë në lindje të Malit të Zi, në veri të Shkodrës.”

L’Écho de Paris, e martë, 22 tetor 1912, f.2 :

Ushtritë e Malit të Zi

“Malazezët janë ende duke bërë përpjekje të mëdha për të pushtuar Taraboshin dhe Shkodrën (ushtria e Jugut, nën urdhrat e gjeneralit Martinoviç).

Ushtria e Veriut, e komanduar nga gjenerali Vukotiç, pushtoi Plavën më 19 dhe Gucinë më 20.

Gucia, në jug të liqenit të Plavës, ka 4.000 banorë. Ky qytet iu dha malazezëve në 1878 nëpërmjet Traktatit të Berlinit dhe ata e shkëmbyen atë me një territor tjetër në 1880.

Qyteti i Plavës u mbrojt me kokëfortësi nga shqiptarët, burrat, gratë dhe fëmijët që humbën gati 1.000 prej të tyreve. Malazezët u gjetën gjithashtu në vështirësi të madhe.

Luftimet në këto rajone malore, midis fiseve të ashpra, kanë një karakter të veçantë dhune.”

La Tribune de l’Aube, e martë, 22 tetor 1912, ballinë :

“Podgoricë, 21 tetor. – Pushtimi i Gucisë u parapri nga ai i Plavës, pas një mbrojtje kokëfortë të shqiptarëve, 900 prej të cilëve u vranë. Gratë dhe fëmijët shqiptarë morën pjesë në mbrojtje. Humbjet e malazezëve janë gjithashtu të konsiderueshme.”

Le Sémaphore de Marseille, e mërkurë, 23 tetor 1912, f.2 :

“Nga Cetinje : Pushtimi i Plavës ishte shumë i përgjakshëm; 900 shqiptarë u vranë, midis tyre gra dhe fëmijë, të cilët u gjetën me armë në dorë.”

 

Të fundit