Flash News

E rëndë te Liqeni i Thatë, vetëv*itet me armë zjarri në makinë 38-vjeçarja

Samiti i Komunitetit Politik Europian/ Akset rrugore që do të bllokohen sot në Tiranë dhe orari përkatës

Operacion antid*ogë në Korçë, në pranga dy persona, disa të shoqëruar

Antonio Costa nuk ka një datë për anëtarësimin e Shqipërisë në BE

EMRI/ Goditi me grushte sekretarin e KZAZ-së në Kashar, shoqërohet në polici autori i dhunës

KRYESORE

"Qeveria e kapur në panik prej protestës studentore", reagimet e politikanëve

Politiko 6 Dhjetor 2018, 14:59
"Qeveria e kapur në panik prej protestës studentore",

Studentët e universiteteve në Tiranë dhe në shumë qytete të tjera të Shqipërisë, po zhvillojnë protestën më të madhe masive, të organizuar prej vitesh në Shqipëri. Një protestë e organizuar nga vetë studentët me një pjesëmarrje të jashtëzakonshme tregon këmbënguljen e të rinjve dhe të gjithë atyre që i janë bashkuar protestës.

Gjithashtu, studentët kanë treguar vendosmëri edhe për politikanët, të cilët në mënyrë kategorike nuk janë lejuar  për të mos i dhënë ngjyra politike protestës. Por, politikanët kanë shprehur mbështetje nga ana e tyre me reagime në media të ndryshme dhe në rrjetet sociale. "Qeveria e kapur në panik prej protestës studentore" shprehet për protestën Shezai Rrokaj, ish-dekan i Fakulteti të Historisë dhe Filologjisë

Disa nga reagimet e politikanëve në rrjete sociale:

Shezai Rrokaj

Qeveria e kapur në panik prej protestës studentore. I kapur prej panikut të protestës studentore kryeministri nuk di ç’thotë: Ja se si shprehet: “Thjesht e vërteta.

1. Tarifat s'i përcakton ministria po universiteti

2. Asnjë tarifë s'është rritur nga 2014

3. VKM për tarifën e mbetësve është kërkuar nga universitetet

4. Efekti i VKM nis vitin tjetër

5. Ministria u ka sugjeruar sot universiteteve të konsiderojnë rishikimin e VKM”.                                                        Së pari, kur tarifat me ligj i përcakton dhe i miraton universiteti përse tarifa për kredite ka dalë me VKM në muajin maj? A ka shkelje ligjore këtu? Së dyti, kur prej vitit 2014 nuk ka ‘rritje tarifash’ kjo tregon se asokohe qeveria ka qenë dakord me këto tarifa dhe i ka miratuar sipas ligjit të mëparshëm, i cili këtë të drejtë ia njihte asaj, ndryshe nga ligji aktual i 2015-ës, që këtë të drejtë ua njeh IAL-ve. Këto të fundit nuk i kanë ndryshuar tarifat, duke respektuar tavanin e vendosur nga Qeveria. Së treti, kur të drejtën për të miratuar tarifat e kanë universitetet ç’punë ka ministria përgjegjëse t’u drejtohet atyre për ta rikonsideruar tarifën në fjalë? Së katërti, çfarë logjike është kjo kur thuhet se nuk e keni këtë vit tarifën (pra , kot protestoni), por pa merak do ta keni vitin tjetër? Pra, prisni të protestoni pas janarit?! E gjithë kjo që po ndodh ka një përfundim: papërgjegjshmëri, anarki kompetencash dhe lojë kumbulleshkash midis Qeverisë dhe IAL-ve, ku Qeveria bën lojën e strucit, duke mos u përgjigjur sy më sy se përse subvencionimi për arsimin nuk është 5% e PBB-së, si vendet e OECD-së, por vetëm 3,2%, e ku viktimat e këtij mos-financimi janë studentët? Si një drejtues me përvojë unë jam i sigurtë se IAL-të i ulin menjëherë tarifat nëse Qeveria e kompenson me rritjen e financimit nga buxheti. Po, po. Kaq e thjeshtë është e vërteta.

Fatbardha Kadiu

Studentët e Durrësit thyen barrierat e Rektoratit dhe iu bashkuan protestës madhështore. Studentët e Universitetit të Aleksandër Moisiu vendosën t’i bashkoheshin protestës më madhështore, që prej Dhjetorit të vitit 1990. Studentët protestues ia dolën që të thyejnë “barrierat” e vendosura nga rektorati i Universitetit, i cili u përpoq me të gjitha format ta ndalonte revoltën e studentëve. Fillimisht i dhanë urdhër pedagogëve që të mos lejonin që studentët t’i bashkoheshin rreth organizatorëve të kësaj proteste. Më pas, me metoda që janë të denja vetë për një regjim spiunësh, ata u përpoqën t’i përçanin duke i vendosur një grup prej disa personash për t’i intimiduar, por që nuk arritën që ta ndalonin zemërimin e të rinjve studentë, të cilët duke u konfrontuar me punonjësit e Universitetit ia dolën që protesta të bëhej ndër më të bukurat e organizuara ndonjëherë në qytetin e bregdetar.

Ata i kërkojnë qeverisë:

1. Anulimin e Vendimit të Këshillit të Ministrave nr. 288, të miratuar më 21.05.2018, sidomos pikën 4 të tij që u vendos një gjobë të padrejtë studentëve për provimet e mbartura.

2. Rritjen e buxhetit të shtetit për universitetet publike dhe përgjysmimin e të gjitha tarifave universitare duke ulur tavanin e tarifës maksimale.

Ndërsa autoriteteve drejtuese të universiteteve publike i kërkojnë:

1.Ndarjen e pagesës së tarifës në dy këste.

2.Shtyrjen e afatit të pagesës së secilit këst përtej sezonit të provimeve të semestrit të parë.

Rezistenca do të vazhdojë deri në plotësimin e kërkesave.

Sali Berisha

Studentet arsim publik falas, nuk mashtrohen, nuk pranojnë Nikollen! sb

Luciano Boci

Rama dhe njëherë tjetër përçmon studentët!

Urdhëron televizionet të heqin nga transmetimi live, protestën e tyre dhe të lidhen me Ramën.

Kryeministri i hoteleve luksoze, i sarajeve personale, i kapur në panik, vendos me arrogancë censurën dhe injoron studentët, të cilët luftojnë ndaj zhvatjes që ai i bën atyre!

Mediat kombëtare dhe televizioni publik, në vend që të ishin të parët për të informuar publikun, kanë vendosur censurë të plotë.

Protesta nuk ndalet nga marifetet e Ramës dhe censura e urdhëruar!

Në emër të studentëve dhe si anëtar i komisionit të medias, u kërkoj atyre të vendosin interesin publik mbi pazaret personale!

Studentët kërkojnë që e vërteta e tyre të transmetohet!

Monika Kryemadhi

BRAVO!

Ju meritoni të jetoni të lumtur në Shqipëri. Politika duhet të mësojë prej jush. Respekt dhe mirënjohje!

Orjola Pampuri

Nga çdo cep i Tiranes sot vërshojnë studente, ne çdo cep te Tiranes sot protestojnë qytetare për të mos u shembur shtëpitë. Tirana 'vlon' nga protestat. Kryeministri te mendohet mire. Studentet jane uragan. Studentet bëjnë ndryshimin, siç bënë 28 vite më parë.

Përparim Spahiu

Studentët shqiptarë me shpenzimet më të larta për arsim në Europë, sepse KM e di që familjet shqiptare nuk kursejnë për edukimin e fëmijëve të tyre por, çdo gjë e ka një limit...!!!

Petrit Vasili

Kryeministër i çmendur dhe shkooollëpak !!!!

Ky kryeministër idiot broçkollit turpet me te mëdha për studentet.

Na thotë jo studentet mbetës kështu po ashtu, qe gjoja nuk i paguan nga taksat për ta.

O budalla kryeministër mbetësit janë vetëm në trurin tënd demode.

Sot ka vetëm studente, qe marrin apo nuk e marrin provimin e radhës.

Po Ajnshtajnit qe ndryshoi boten, por ka mbetur ne provime çdo ti thuash ti shkollëpaku proverbial. Ridhënia e provimeve është një mundësi e re për tu provuar për çdo student dhe s'mund te jetë objekt përçmimi dhe stigmatizimi aq më shumë nga një sharlatan të dijës dhe shkencës si ti.

Të fundit