Rama shfaq shenja tërheqjeje: Dorë e shtrirë për dialog me opozitën

Për 32 minuta foli kryeministri Edi Rama, pas vendimit të opozitës për djegien e mandateve, shpesh kontradiktor e shpesh me tërheqje.

Duke pranuar se “nuk është i dërguar nga qielli” dhe se kjo nuk është “Shqipëria që duhej të ishte”, kryeministri shfaqi edhe disa shenja tërheqjeje.

Rama u shpreh se qeveria i shtrin dorën e dialogut opozitës. “Gati të dialogojme me shpejt se heret e kaluara”, tha ndër të tjera kryeministri.

“Dora e bashkëpunimit me opozitës, pavarësisht vetëpërjashtimit të saj ekstrem nga jeta parlamentare, është e shtrirë dhe do mbetet e shtrirë. Por kjo do ketë kohën e vet të diskutimit.

Jeta parlamentare e atyre që lanë mandatet mbaroi për këtë legjislaturë, por jeta politike vazhdon. Kjo shumicë qeverisëse do të vazhdojë punën jo sikur s’ka ndodhur asgjë, por na ngarkon në një përgjegjësi më të madhe për udhëheqjen me largpamësi dhe maturi të vendit.

Dallimi nga sot është se ata që ikiën do të bëjnë çmos të përçajnë më shumë, ne që jemi këtu do bëjmë çmos që të bashkojmë më shumë”, mbylli fjalën  e tij Rama.