Roshi ‘spiunon’ Ramën: Na këshilloi para ndeshjes me Islandën

Mesfushori i Kombëtares, Odise Roshi ka zbardhur bisedën me kryeministrin Edi Rama mesditën e së martën. Fieraku u shpreh në një prononcim për TVSH, se ai u shpreh i bindur se do të triumfojnë ndaj Islandës.

“Nuk tha ndonjë gjë të madhe, thjesht tha bëni nje performacë të mirë dhe kam besim te çunat se do ta fitoni lojën. Besoj se llafi i kryeministrit doli”, sqaroi Roshi.

28-vjeçari bëri një gjest pas shënimit të golit 79-të, duke mbyllur veshet para kamerave. “U dedikohej të gjithë kritikëve, që na akuzuan pas humbjes më Francën. Na akuzuan pa të drejtë. E kam fjalën për gazetarët jo për specialistët”, shtoi Roshi.

Ekipi kuqezi fitoi 4:2 ndaj Islandës me gola të Dermakut (32’),  Hysajt (52’), Roshit (79’) dhe Cikalleshit (82’), duke ngjallur shpresat për një kualifikim të mundshëm në finalet e Kampionatit Europian në 2020.