Një ngjarje e rëndë ka tronditur qytetin e Kavajës orët e fundit.
Një person është qëlluar për vdekje me armë zjarri, ndërsa një tjetër ka mbetur i plagosur. Ngjarja ka ndodhur gjatë natës në lagjen nr. 2 të Kavajës.
Sipas të dhënave paraprake, shkak për ngjarjen e rëndë është bërë sherri për një grua, mes viktimës dhe personi që mbeti i plagosur, punonjës i policisë së burgjeve.
Mësohet se sherri ka nisur në banesën e gruas, ish e dashura e viktimës, ku fillimisht ka patur një debat mes tyre. Më pas ka ndërhyrë polici i burgjeve, i cili është përplasur me armë me të ndjerin ende të paidentifikuar, ndërsa vetë mbeti i plagosur.
Aktualisht ndodhet në spitalin e Traumës.
