Skënder Gega ka komentuar ish-skuadrën e tij, Partizani, ku vjet fitoi titullin kampion Shqipërie. Ai pati një mundësi për të kaluar te Kukësi së fundmi, por nuk arriti marrëveshjen në fund.
“Nuk kam dëshirë të sulmoj. Ky ekip nuk është i imi. Nuk jam trajner dhe nuk kam as përgjegjësi e apo merita. Dua që Partizani të ketë suksese. U gabua, u prekën themelet e asaj që ishte ndërtuar”, ka thënë Gega në Supersport.
“Kurrë nuk e mendoja se do largoheshin aq shumë lojtarë nga skuadra. Do doja të qëndronte i gjithë grupi. Po të ikte kush, të shkonte te Barcelona. U prish ekuilibri. Ekipi aktual nuk ka lidhje me ekipin që kisha unë”, ka shtuar ai.
Financuar Nga Bashkimi Europian
