Kreu i Grupit parlamentar të PS-së, Taulant Balla, deklaroi se rezoluta e PS për presidentin ka rëndësi specifike, sepse qartëson dhe rishpreh që në republikë institucioni më i lartë është kuvendi. Në emisionin “Dritare me Rudinën”, ai shtoi se në fillim të shtatorit, vendi do të ketë një Gjykatë Kushtetuese funksionale.
Por aty ka ndërhyrë gazetari Ylli Rakipi, i cili i kujtoi se në 2017 zgjedhjet kanë qenë jo të ndershme e ka pasur raste të shitjes së votave. Por tani e vërteta ka dalë në shesh.
Debati
Ylli Rakipi: E marrim që ti je ligji vetë…
Taulant Balla: As ligji, as drejtësi
Ylli Rakipi: Kryetari partisë suaj i ka bërë letra për dialog Lulzim Bashës, pse nuk dialogon tani që Presidenti thotë hajde bëni dialog?
Taulant Balla: Për çfarë?
Ylli Rakipi: Për krizën
Taulant Balla: S’ka krizë
Ylli Rakipi: Të parat i ke marrë siç po të dalin, me rri edhe këto t’i gëzosh (zgjedhjet)
Taulant Balla: Zgjedhje më të mira se në 2017 nuk ka pasur ndonjëherë Shqipëria
Ylli Rakipi: Si mo? Zgjedhje të mira? O Taulant me çamët e Dibrës…
Taulant Balla: Të lutem kujdes me fjalët se çamët janë njerëz të respektuar
Ylli Rakipi: Po normal, kam miq më shumë se ju mes çamëve
Taulant Balla: O Ylli unë ta qaj hallin, ore kur humbet analiza…
Ylli Rakipi: Mos i personalizo gjerat, se njeri nga ne do ngihet nga këtu…
Taulant Balla: Analiza politike bëhet duke hequr inate personale
Ylli Rakipi: Këto janë inate që ti ke blerë vota? je kap me presh në dorë.. Qetësi të madhe ke fituar Taulant, ruaju nga kjo qetësi…bëj kujdes…çka të gjallë mbi këtë tokë i blen ai (Rama) tani i kanë dalë lakrat as me Zotin nuk i mbulon dot më ai..
Taulant Balla: Unë nuk pranoj të fyeni Juncker
Ylli Rakipi: Ky është i qetë fare
Taulant Balla: Vij nga një takim elektoral në Gramsh ndaj jam i qetë
Ylli Rakipi: Çfarë të thanë?
Taulant Balla: E rëndësishme është që popullit nuk ia heq njeri të drejtën për të votuar
Ylli Rakipi: Ore je bërë kaq i urtë ti, duket se kjo marrëveshja e fundit ju shpëtoi…me këtë që bëri Meta flas
Taulant Balla: Lidhu me fallxhoren dhe pini një kafe…
Financuar Nga Bashkimi Europian
