"Ne e kemi bërë punën tonë", Rama kritika BE-së në Bruksel për vaksinat: U lamë mënjanë

Kryeministri Edi Rama

Në konferencën e përbashkët me Përfaqësuesin e Lartë të Bashkimit Europian, Josep Borrell dhe Komisionerin për Zgjerim, Oliver Varhelyi, kryeministri Edi Rama kritikoi sërish BE-në sa i përket shpërndarjes së vaksinave anri-Covid.

Sipas Ramës, procesi i vaksinimit në Shqipëri është në rrugën e duhur, ndërsa evidenton se shumë vende ende nuk kanë nisur.

Sa i përket realizimit të reformave, Rama u shpreh se Shqipëria e ka bërë punën e  saj. Ai u ndal edhe te projektet në Ballkan që synojnë forcimin e bashkëpunimit dhe ekonomisë.

"Më lini t'ju them se ne vlerësojmë shumë përpkekjet e bëra nga komisioneri për të qenë në anën tonë në këtë moment kaq delikat, kur Shqipëria dhe vendet e tjera të rajonit u lanë mënjanë nga shpërndarja e vaksinave.

Ishte një moment tronditës për njerëzit tanë pasi ne nuk jetojmë në kufi, por brenda BE, por jemi të rrethuar në rajonin tonë nga kufijtë e BE. Megjithatë, un e di ju të gjithë e dini si shkoi kjo gjë.

Sot ka 140 vende që nuk kanë nisur asnjë injeksion. Sot ka 10 vende që kanë 70% të prodhimit. Është e vështirë jo vetëm për ne por shumë anëtarë të BE. Jam i lumtur që të shpall se Covax po nis më në fund tu japë vendeve dozat e para. Dhe do të jemi shumë të lumtura të marrim dërgesën e parë të vaksinës AstraZeneca

Më e rëndësishme për ne është që e kemi bërë punën tonë. Jemi përherë të vëmëndshëm të dëgjojmë Komisionin, si mekanzmin më të lartë. Shpresoj që plani për investimin në Ballkan që u prezantua nga komisioneri Varhelyi të jetë një instrument jashtëzakonishëm i rëndësishëm për të forcuar ekonominë dhe bashkëpunimin tonë.

Siç u thashë ne nuk i bëjmë reformat se i kërkoni ju, por sepse u detyrohemi brezave që vijnë. Mund të duket se BE është mallkim, por nuk është ashtu, është një dhimbje që duhet të merremi për të ardhmen tonë", deklaroi Rama.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm