Flash News

"Shkërrmoqet" pasuria e Ballukut, SPAK i sekuestron vilën në Dhërmi. I rëndohet pozita penale

Efektivi u vra gjatë aksionit, policia e Korçës nuk vlerësoi rrezikshmërinë e autorit, vetëm 6 policë në terren

Makina përfundon në kanal, banorët shpëtojnë babë e bir

Ku fillon drejtësia?/ Mes fjalimeve të Gogut dhe plumbave në terren, kush e mbron policin?

Pëllumb Gjoka flet për akuzat në dosjen “Metamorfoza”: Më kanë bërë gjyq publik, s'kam lidhje me vrasjen e Gjin Ndojit

Ditari i Opozitës

Aleatët e PD me grup parlamentar, Ndoka: Vendi s’ka nevojë vetëm për dy garnizone, u kanë sjellë probleme shqiptarëve

Politiko 8 Shtator 2021, 18:12

Aleatët e PD me grup parlamentar, Ndoka: Vendi s’ka nevojë

Kreu i demokristianëve, Nard Ndoka komenton debatin brenda aleatëve të Lulzim Bashës për të dalë me një grup parlamentar jashtë PD-së në Kuvend.

Duke folur për Fax Neës, Ndoka thotë se krijimi i një grupi parlamentar nga partitë e vogla opozitare rrit fuqinë e dëgjimit të zërit të tyre në parlament.

“Pavarësisht që unë nuk jam pjesë e Kuvendit të Shqipërisë, jam pjesë e Opozitës dhe ka qenë ideja që partitë politike opozitare të kenë një grup parlamentar. Rregullorja e Kuvendit kërkon 7 depyutet për të formuar një grup parlamentar dhe Lëvizja Socialiste për Integrim ka 4 deputetët, të cilët mund të kombinohen dhe baskëpunojnë me deputetë të tjerë nga partitë e tjera opozitare. Pasi nuk pati një qasje zyrtare nga ana e Partisë Demokratike partitë e tjera u përpoqën që të paktën të kordinojnë njëra me tjetrën dhe të shkëmbejnë mendime si do të organizohen për përfaqësimin e tyre në Parlament.

Është e domosdoshme që partitë e opozitës të jenë sëbashku për të krijuar një grup parlamentar, në mënyrë që zëri i tyre të dëgjohet më shumë“, tha Ndoka.

Gjithashtu Ndoka u shpreh se sinjalit e dhëna nga kryedemokrati Basha për gabimet e bëra me ndryshimet kushtetuese të 2008-ës, janë një shpresë për rikthimin e pluralizmit politik në vend dhe dhënies fund të dypolarizimit të skenës politike PD/PS.

“Vetë zoti Basha ka dhënë një shenjë që ndryshimet kushtetuese të 2008-ës ishin një gabim.

Më mirë vonë se kurrë zoti Basha ka reflektuar. Nuk e di në mënyrë të sinqertë apo jo, por di që vendi nuk ka nevojë vetëm për dy garnizone që i kanë sjellur shumë probleme shqiptarëve, ekonomisë së tyre dhe pluralizmit politik.

Një hapësirë më e madhe politike, me zëra të tjerë është një domosdoshmëri për politikën shqiptare. Kjo i jep mundësi edhe partive të reja për tu përfaqësuar në parlament”, përfundoi Ndoka.

  

Të fundit