Flash News

Igli Tare emërohet zyrtarisht si Drejtori Sportiv i ri i Milanit

Dy vëllezër tentojnë të vrasin kushëririn në Kukës, njëri arrestohet pas një viti në arrati

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

Ditari i Opozitës

Hapja e tunelit të Llogarasë, reagon PD: Aferë e pastër korruptive, Balluku u rikthye në vendin e krimit

Politiko 23 Maj 2025, 17:14

Hapja e tunelit të Llogarasë, reagon PD: Aferë e pastër

Vjen reagimi i parë nga PD pasi ministrja e Energjisë dhe Infrastrukturës, Belinda Balluku njoftoi se nga nesër (e shtunë) do të hapet tuneli i Llogarasë për qarkullimin e automjeteve. 

Në Një postim në rrjetet sociale, kreu i grupit parlamentar i PD, Gazment Bardhi shkruan se kjo vepër është një aferë e pastër korruptive, ku vlera e ndërtimit u shtua me miliona euro.

Sipas tij, ekzistojnë të dhëna, përfshirë dëshminë publike të një prej pjesëmarrësve në takim, se kompania fiktive turke u paracaktua si fituese në një takim në Ankara, Turqi, të zhvilluar në datën 3 Qershor 2021, pra 21 ditë para rishpalljes së tenderit.

Postimi i Gazment Bardhit:

Belinda Balluku qenka rikthyer në vendin e krimit dhe paska njoftuar rihapjen e Tunelit të Llogarasë. Kjo është një aferë e pastër korruptive, ku vlera e ndërtimit u shtua me miliona euro, që i kaluan një kompanie turke, që ishte paracaktuar nga Balluku dhe që rezulton me dokumente zyrtare që nuk ka kryer asnjë punim.

Ekzistojnë të dhëna, përfshirë dëshminë publike të një prej pjesëmarrësve në takim, se kompania fiktive turke u paracaktua si fituese në një takim në Ankara, Turqi, të zhvilluar në datën 3 Qershor 2021, pra 21 ditë para rishpalljes së tenderit.

Pyetja që po pret përgjigje nga SPAK që prej 12 Gushtit 2024 është: Ku kanë shkuar 50 milionë euro të taksave të shqiptarëve?  Edhe sa kohë do presin shqiptarët për një përgjigje?

Të fundit