Flash News

E rëndë te Liqeni i Thatë, vetëv*itet me armë zjarri në makinë 38-vjeçarja

Samiti i Komunitetit Politik Europian/ Akset rrugore që do të bllokohen sot në Tiranë dhe orari përkatës

Operacion antid*ogë në Korçë, në pranga dy persona, disa të shoqëruar

Antonio Costa nuk ka një datë për anëtarësimin e Shqipërisë në BE

EMRI/ Goditi me grushte sekretarin e KZAZ-së në Kashar, shoqërohet në polici autori i dhunës

Ditari i Opozitës

Pjesë e ekipit të LaCivita, PD prezanton strategun tjetër amerikan që do të udhëheqë fushatën

Politiko 8 Prill 2025, 16:52

Pjesë e ekipit të LaCivita, PD prezanton strategun tjetër

Zëdhënësja e Partisë Demokratike, Floriana Garo, ka prezantuar publikisht një nga drejtuesit kryesorë të ekipit amerikan që po udhëheq fushatën elektorale të koalicionit opozitar “Shqipëria Madhështore”. Bëhet fjalë për Philip Griffin, konsulent dhe pjesë e ekipit të njohur të Chris LaCivita.

Në një postim në rrjetet sociale, Garo ka ndarë një foto me Griffin duke zbuluar se ai është një nga tre strategët amerikanë të angazhuar në këtë fushatë, që do të ndjekin procesin elektoral të Partisë Demokratike nga fillimi deri në përfundim të garës së 11 majit.

“3 amerikanët në shtabin e fushatës”, shkruan Garo krahas fotos, ku shfaqet së bashku me Philip Griffin dhe drejtorin e zyrës së shtypit të PD-së, Alfred Lela.

Chris LaCivita, strateg i njohur republikan në SHBA dhe aktualisht pjesë e ekipit të Donald Trump për zgjedhjet presidenciale të vitit 2024, është angazhuar nga opozita shqiptare për të drejtuar dhe këshilluar fushatën për zgjedhjet vendore në Shqipëri. Angazhimi i emrave të tillë vjen si pjesë e përpjekjeve të Partisë Demokratike për të profesionalizuar dhe ndërkombëtarizuar fushatën e saj politike.

Koalicioni “Shqipëria Madhështore”, i udhëhequr nga Sali Berisha dhe mbështetur nga figura të njohura të opozitës, synon të sfidojë qeverinë në zgjedhjet e ardhshme, të cilat konsiderohen vendimtare për drejtimin politik të vendit.

Të fundit