Kalimet ilegale në Rinas, zbardhen bisedat mes Sulejmanit dhe efektivit: Sot ke 600, ai tjetri s’më ka dhënë gjë

Tetë efektivë policie të Komisariatit të Rinasit u vendosën nën hetim pasi dyshohet se ata janë përfshirë në aktivitetin e kalimit të paligjshëm të qytetarëve jashtë vendit.

Hetimi nisi pas arrestimit të Eneo Sulejmanit i cili u arrestua në mars të këtij viti pasi tentoi t’i arratiset patrullës së policisë me drogë në makinë.

Sipas hetimeve rezulton se Sulejmani, i cili kishte në pronësi një agjensi udhëtimi, mbante kontakte të vazhdueshme me punonjësin e policisë Tereziu, të cilit i dërgon të dhënat e personave të cilët kanë blerë bileta në këtë agjensi, për verifikim paraprak të rekordeve në sistemin TIMS, për të verifikuar nëse plotësojnë kushtet për të udhëtuar drejt vendeve të BE-së.

Kundrejt shumave që varionin nga 50 euro në 500 euro, ata bënin të mundur kalimin e personave që e kishin të ndaluar udhëtimin drejt vendeve të BE-së.

Më poshtë janë zbardhur disa biseda mes Eneo Sulejmanit dhe Briken Tereziut, ku japin informacione për disa persona që do të kalonin drejt BE-së.

Biseda:

Eneo: Mgjes vlla si je. A u lodhe. Je ne pune sot

Briken: Mire vlla. Si je ti.

Eneo: Mire vlla ja sa dolem nga shpia

Briken: Te puna jam

Eneo: (I dërgon pasasportën e shtetasit Arbri A.). Tirane Bari Barcelone. Po 2 vula ka me I faqe. Po munde veja 1 tjeter super. Shife vet

Briken: Ok. Te katra thuaj

Eneo: Rrofsh vlla. Po ngjiten vlla. Eshte dhe I tjeter, ai smka dhen gje

Briken: Ma jep emrin

Eneo: (I dërgon pasaportën e shtetasit Qato K.). O vlla ma shef dot nje rob a ka ardh ne shqiperi

Briken: Ok ma nis

Eneo: I dërgon pasasportën e shtetasit Aurel K.

Nga kqyrja në sistemin TIMS rezulton se shtetasi Arbri A. është përpunuar në dalje të territorit të RSH më datë 30.05.2023 ora 10:32 nga punonjësi i policisë me username në TIMS TereziuB. Ky shtetas ka konsumuar ditët e qëndrimit në vendet shengen si dhe dyshohet që për shmangien e problematikave në shtetin destinacion udhëtimi, i janë vendosur vula fiktive në pasaporte.

Nga kqyrja në sistemin TIMS rezulton se shtetasi Qato K.është përpunuar në dalje të territorit të Shqipërisë më datë 30.05.2023 ora 10:33 nga punonjësi i policisë me username në TIMS TereziuB. Ky shtetas ka konsumuar ditët e qëndrimit në vendet shengen.

Nga kqyrja në sistemin TIMS rezulton se shtetasi Aurel K. (për të cilin shtetasi Eneo Sulejmanaj interesohej nëse ishte kthyer në Shqipëri), rezulton i përpunuar në dalje të territorit të RSH më datë 13.05.2023 ora 14:09 nga punonjësi i policisë me username në TIMS mesitim, në tejkalim të ditëve të qëndrimit dhe nuk ishte kthyer në Shqipëri.

Eneo: O vlla ca ben si je. A mu lodhe

Briken: Si je mire

Eneo: Mire vlla. Kemi i cunin e shokut ton. E kemi nis dhe her tjtr

Briken: Ca ka

Eneo: (I dërgon pasaportën e shtetasit Klensid D.). Si ka mush 18 akoma

Briken: Te them per pak

Eneo: Ok vlla. Me thuja vlla

Nga kqyrja në sistemin TIMS rezulton se shtetasi Klensid D. është përpunuar në dalje të territorit të Shqipërisë më datë 05.06.2023 ora 15:44 nga punonjësi i policisë me username në TIMS TereziuB.

Më datë 21.12.2023, ora 09:18 është përpunuar përsëri nga punonjësi i policisë me username në TIMS TereziuB. Shtetasi Klensid D.dtl. 27.05.2006, nuk ka mbushur moshën 18 vjeç dhe është lejuar të udhëtojë pa prokurën e prindërve.

Briken: Ca thon punet. Mire po lodh shume

Eneo: Merzit m shume se pun ka pas

Briken: Spo na lejne me mar frym shume rob

Eneo: Me 12 orarsh besoj

Briken: Po po deri nga mesi shtatorit kshu do vazhdoje

Eneo: Po fillojn po ka kerkes per kta qe kan ardh. Se spo ikin dot

Briken: Pse spo ikin

Eneo: Po si lejn anej nga vlora nga durrsi

Briken: Vlora eshte problem

Eneo: Po vlla e di po do vijn ti nisim ktej. E di qe ti kam vpnu ato. Ma bej hallall

Briken: Shikoje vete vlla skam ca te them. Thjesht me te kujtu

Eneo: Po s harroj une vlla vetem jam qen cik ngusht

Briken: Shife vete mos e vrit menjen edhe kshu copa copa se bashk nuk bohen kollaj

Eneo: Ok vlla se do ti myllim kto dite

Eneo: O vlla si je. Ma bej hallall se ashtu I kam pas nja 2 probleme. Nga do jesh sot

 

Briken: Mir si je ti

Eneo: Po mire shyqyr zotit

Briken: Ktej jam

Eneo: I marum nja 2 halle, tbej tel mbasdite

Briken: Ok pa merak

Eneo:  Rrofsh. O vlla nga je?

Briken: Te lagjia jam

Eneo: Te dergoj ate djalin apo do te tak neser bashk. Si e ke me mire

Briken: Si ta keshe ska probl

Eneo:  Me thuaj ti vlla. Sot ten is 500 me ate neser tbej 1 vet

Briken: Se kuptova

Eneo: Sot nis 500 me ate se qa ka me vete. Nqs tak neser tbej 1 vlla

Briken: Ok tak neser mos e vrit mendjen

Eneo:  Ok se doja me fol i mhb. Po do tin is tani me ate 5 vlla

Briken: Ok

Eneo: Po i them te vij aty

Briken: Ok

Eneo:  Po vjen 5 min eshte aty ka 600