Flash News

"Shkërrmoqet" pasuria e Ballukut, SPAK i sekuestron vilën në Dhërmi. I rëndohet pozita penale

Efektivi u vra gjatë aksionit, policia e Korçës nuk vlerësoi rrezikshmërinë e autorit, vetëm 6 policë në terren

Makina përfundon në kanal, banorët shpëtojnë babë e bir

Ku fillon drejtësia?/ Mes fjalimeve të Gogut dhe plumbave në terren, kush e mbron policin?

Pëllumb Gjoka flet për akuzat në dosjen “Metamorfoza”: Më kanë bërë gjyq publik, s'kam lidhje me vrasjen e Gjin Ndojit

E-TJERA

Kuvendi vendos për komisionet, PS merr pjesën më të madhe të kohës së debatit

Politiko 1 Qershor 2026, 10:28

Kuvendi vendos për komisionet, PS merr pjesën më të madhe

Kuvendi do të zhvillojë sot në orën 17:00 seancën plenare, ku në rendin e ditës janë parashikuar disa projektvendime që lidhen me funksionimin dhe përbërjen e komisioneve të përhershme parlamentare, si dhe diskutime për çështje të evidentuara nga zgjedhësit.

Në pjesën e parë të seancës, deputetët do të shqyrtojnë projektvendimin “Për zgjedhjen e kryesive të komisioneve të përhershme të Kuvendit”.

Më tej, në rendin e ditës parashikohet shqyrtimi i projektvendimit “Për caktimin e përbërjes së komisioneve të përhershme të Kuvendit”, si dhe projektvendimi “Për caktimin e anëtarëve zëvendësues në përbërjen e komisioneve të përhershme të Kuvendit”.

Në vijim, Kuvendi do të zhvillojë diskutime për çështje të evidentuara nga zgjedhësit.

Koha e debatit, e cila nuk i kalon 4 orë, është e ndarë mes grupeve parlamentare dhe deputetëve jashtë grupeve parlamentare.

Sipas ndarjes së miratuar, grupi parlamentar i Partisë Socialiste ka në dispozicion 142 minuta, grupi parlamentar i Partisë Demokratike 60 minuta, ndërsa Aleanca për Ndryshim dhe Partia e Lirisë nga 12 minuta secila. Deputetët jashtë grupeve parlamentare kanë gjithsej 16 minuta, të ndarë në mënyrë të barabartë.

Të fundit