Flash News

Kërkimet për 29-vjeçarin në Klos, Kosova vjen në ndihmë me një kontingjent kërkim-shpëtimi

Kulla e heshtjes, ndërtimi 16-katësh që sfidon ligjin dhe komunitetin në zemër të Tiranës

Aksident në aksin Elbasan-Peqin, plagosen tre efektivë policie

Kamioni përplaset me ambulancën, policia: Infermieri dhe babai i pacientit mes të plagosurve

Përplaset kamioni dhe ambulanca në aksin Fier-Lushnjë, katër të plagosur

E-TJERA

“Na ka nxirë jetën, e qëllova brenda kasolles”, 19-vjeçarja rrëfen momentin e vrasjes së babait

Politiko 23 Shkurt 2024, 13:05

“Na ka nxirë jetën, e qëllova brenda kasolles”,

Hygerta Meta ka rrëfyer se si qëlloi për vdekje me armë 4 herë në drejtim të babait të saj, Pëllumb Meta.

Vajza ka dëshmuar në polici se krimin e ka kryer pasi babai kishte vendosur ta fejonte me një djalë që ajo nuk e donte. Sipas Hygertës, 50-vjeçari nuk e pyeste familjen për asgjë dhe çdo vendim e merrte i vetëm.

Ajo tregon se ditën e ngjarjes nuk është konfliktuar me të atin, por ka marrë armën dhe e ka qëlluar 4 herë. Më pas e ka mbështjellë trupin e tij me çarçaf dhe qese. 19-vjeçarja nuk ka shfaqur pendesë.

“Jam e lumtur që e kreva unë këtë punë dhe nuk pendohem që kam vrarë tim atë. Ai na ka torturuar dhe i ka nxirë jetën nënës sime. Unë jam fëmija i vogël i familjes. Motra është më e madhja është e martuar, janë 2 vëllezërit dhe pastaj unë.

Mami dhe ne nuk kemi folur kurrë në familje. Për gjithçka fliste dhe vendoste babai. Ai nuk na pyeste kurrë çfarë dëshironim. Kur mori vendimin për martesën time aty erdhi fundi. Nuk dëgjoi çfarë unë doja. Mu mblodh një urrejtje për një kohë të gjatë. Ditën e ngjarjes nuk u konfliktuam fare. Mora armën që babi përdorte kur shkonte në punë si roje dhe e qëllova brenda kasolles së bagëtive. Pas krimit e kam mbështjellë me një çarcaf pastaj me fasho e në fund me qese. Armën e hodha buzë detit”, tha ajo.

Të fundit